Elimizdiń alty óńirinde sýtenerler men jezóksheler Art Sport baǵdarlamasy boıynsha jattyqtyrýshy bolyp jumys istegen. Bul týraly depýtat Nartaı Aralbaıuly aıtty, dep habarlaıdy «Adyrna» tilshisi.
«Art Sport júzege asqan 6 aımaqta buryn jynystyq qylmys jasaǵany úshin sottylyǵy bar, prıton uıymdastyrǵan jáne jezókshelik jasaǵan adamdardyń balalardy oqytýynyń 20 faktisi tirkelgen. Bul qalaı sonda? Burynǵy jezókshege, burynǵy prıton uıymdastyrǵan adamǵa biz qalaı balalarymyzdy senip tapsyryp otyrmyz? Quzyrly organdar qaıda qaraǵan? Psıhologtar osy adamdar jattyqtyrǵan balalarmen jumys istedi me? Balalarǵa burynǵy jezóksheler men qylmyskerler jattyqtyrǵanyn qalaı túsindirýimiz kerek? 6 óńir dep aıttyńyzdar. Osy turǵydan Bas prokýratýranyń ókilinen naqty qaı óńirler dep suraǵym keledi. Bileıik, jasyratyn dúnıe emes,—dedi ol Májilis otyrysynda.
Depýtattyń saýaldaryna Bas prokýratýranyń qoǵamdyq múddelerdi qorǵaý qyzmetiniń aǵa prokýrory Dýlat Áshirbekov jaýap berdi. Aıtýynsha, bul faktiler Almaty, Shymkent, Qaraǵandy, Mańǵystaý, Batys Qazaqstan jáne Shyǵys Qazaqstan oblystarynda tirkelgen.
«Basqa aımaqtar boıynsha qosymsha jaýap beremiz. Olar deneshynyqtyrý jattyqtyrýshylary bolyp qyzmet atqardy»,—dedi aǵa prokýror.
