Elımızdıŋ alty öŋırınde sutenerler men jezökşeler Art Sport baǧdarlamasy boiynşa jattyqtyruşy bolyp jūmys ıstegen. Būl turaly deputat Nartai Aralbaiūly aitty, dep habarlaidy «Adyrna» tılşısı.
«Art Sport jüzege asqan 6 aimaqta būryn jynystyq qylmys jasaǧany üşın sottylyǧy bar, priton ūiymdastyrǧan jäne jezökşelık jasaǧan adamdardyŋ balalardy oqytuynyŋ 20 faktısı tırkelgen. Būl qalai sonda? Būrynǧy jezökşege, būrynǧy priton ūiymdastyrǧan adamǧa bız qalai balalarymyzdy senıp tapsyryp otyrmyz? Qūzyrly organdar qaida qaraǧan? Psihologtar osy adamdar jattyqtyrǧan balalarmen jūmys ıstedı me? Balalarǧa būrynǧy jezökşeler men qylmyskerler jattyqtyrǧanyn qalai tüsındıruımız kerek? 6 öŋır dep aittyŋyzdar. Osy tūrǧydan Bas prokuraturanyŋ ökılınen naqty qai öŋırler dep sūraǧym keledı. Bıleiık, jasyratyn dünie emes,—dedı ol Mäjılıs otyrysynda.Deputattyŋ saualdaryna Bas prokuraturanyŋ qoǧamdyq müddelerdı qorǧau qyzmetınıŋ aǧa prokurory Dulat Äşırbekov jauap berdı. Aituynşa, būl faktıler Almaty, Şymkent, Qaraǧandy, Maŋǧystau, Batys Qazaqstan jäne Şyǧys Qazaqstan oblystarynda tırkelgen.
«Basqa aimaqtar boiynşa qosymşa jauap beremız. Olar deneşynyqtyru jattyqtyruşylary bolyp qyzmet atqardy»,—dedı aǧa prokuror.
Ūqsas jaŋalyqtar
