Qurylys sapasyna qalalyq máslıhat depýtattarynyń kóńili tolmaı otyr
Elordadaǵy tanymal ǵımarattardyń biri – "Máńgilik el" qaqpasyn jóndeýge 600 mıllıon teńge qarajat kerek.
"Nysan jaýyn-shashyn men erigen qar sýynyń astynda qalady. Bul máselege beı-jaı qaramaý kerek",- dedi qala ákiminiń orynbasary Nurlan Núrkenov máslıhattyń kezekti sessııasynda.
Onyń aıtýynsha, bul mańdaǵy jerasty jolyn salý jumysy óte sapasyz júrgizilgen.
"Jyl saıynǵy jóndeý jumysy bul kemshilikti joıa almaıdy. Tolyqtaı jóndeý júrgizýge shamamen 600 mıllıon teńge qajet", - dedi Núrkenov.
Elordalyq depýtat Sergeı Solodovnıkov bolsa, másele munymen bitpeıdi dep otyr. Ǵımaratta sý oqshaýlaý júıesi de durys jasalmaǵan.
Máslıhat depýtatynyń oıynsha, nysannyń jaramsyz bolyp qalýyna jol salý erejeleriniń saqtalmaýy sebep bolǵan. Saldarynan jerasty jolyna erigen qar sýy jınalady.
