Shyǵys Qazaqstan oblysynyń burynǵy ákimi Danıal Ahmetov óńir halqymen qoshtasyp, olarǵa alǵysyn jaýdyrdy, dep habarlaıdy «Adyrna» tilshisi.
«Birneshe jyl boıy biz Shyǵys Qazaqstan oblysynyń josparly jáne serpindi áleýmettik – ekonomıkalyq damýy, turǵyndardyń ómir súrý sapasyn arttyrý sııaqty ortaq maqsat-múddeni kózdep, birge etene jumys istedik. Sizdermen jumys isteý men úshin úlken mártebe boldy. Jáne jumysynda basty qaǵıdattardy ustanǵan, ıaǵnı adamdardy estý, negizgi baǵyttaryn Prezıdentimiz - Qasym-Jomart Kemeluly Toqaev aıqyndaǵan memlekettik saıasatty tıimdi iske asyrýdaǵy komandamnyń bir bóligi bolǵandaryńyzǵa qýanyshtymyn. Biz kóp nársege birge qol jetkizdik. Sizdermen jumys isteý múmkindigine ıe bolǵanymdy maqtan tutamyn, únemi kórsetken baǵa jetpes eńbekterińiz ben kúsh-jigerlerińiz úshin alǵys aıtamyn. Sizder Shyǵys Qazaqstan oblysy men jalpy respýblıkanyń órkendeýi úshin tabysty jumysty jalǵastyrýǵa yqpal etetinderińizge senimdimin. Aldaǵy ýaqytta da Shyǵys Qazaqstan oblysynyń turǵyndarynyń ıgiligi úshin tyń jobalar men ıdeıalardy batyl iske asyrýlaryńyzǵa shyn júrekten tilektespin!»—dedi ol.
Aıta keteıik, búgin Prezıdent jarlyǵymen Danıal Ahmetov ShQO ákimi laýazymynan bosatylǵan edi. Ol bul qyzmetti 2014 jyldan kúni búginge deıin atqardy.
