ШҚО әкімі Даниал Ахметов қызметінен босатылды. Бұл туралы Ақорда жазды, деп хабарлайды «Адырна» тілшісі.
«Мемлекет басшысының Жарлығымен Даниал Кенжетайұлы Ахметов Шығыс Қазақстан облысының әкімі лауазымынан босатылды»,—делінген хабарламада.
Айта кетейік, 15 маусымда Ахметов 69 жасқа толды. Ол облысты 9 жыл бойы басқарған болатын.
2017 жылы әкімнің ресми түрде зейнетке кетуі мүмкін екені айтылды. Алайда оның өкілеттігі 2022 жылға дейін созылған еді. Өткен жылдың 11 маусымында Мемлекет басшысы Ахметовтің өкілеттігін тағы бір жылға ұзартты. Шешім әкімнің «көп жылдық жұмыс тәжірибесімен»түсіндірілді.
Даниал Ахметов бұған дейін Павлодар облысының әкімі, ҚР Премьер-Министрі, ҚР Қорғаныс министрі қызметтерін атқарды. Еуразиялық экономикалық комиссияның энергетика және инфрақұрылым жөніндегі Алқа мүшесі болды.
