"Atalmysh áýe kemesi QR Qorǵanys mınıstrligine tıesili. Apattyń mán-jaıy anyqtalyp jatyr", - dep atap ótti TJK.
Tikushaqtyń qulaǵany jaıly aqparatty Qorǵanys mınıstrligi rastap, oqıǵanyń mán -jaıyn tolyǵyraq baıandady.
Mınıstrliktiń málimetinshe, 27 naýryzda QR QK ÁKQ Áskerı áýe kúshteriniń tikushaǵy apatqa ushyraǵan. Bortta 13 adam bolǵan.
Aldyn-ala málimet boıynsha, oqıǵa ornynda qaza bolǵandar bar. Qazir zardap shekkenderdiń jaǵdaıy anyqtalý ústinde.
Tikushaq 4 birdeı áskerı tikushaq quramynan quralǵan toppen birge Aqtaý qalasynan Shymkentke ushyp bara jatqan.
"Ushý keshendi tekseris jáne "Altyn jebe" arnaıy bólimsheleriniń jattyǵýy aıasynda qarańǵy ýaqytta ári meteorologııalyq kúrdeli jaǵdaıda ótkizilgen. Qorǵanys mınıstri Nurlan Ermekbaevtyń buıyryǵymen arnaıy qurylǵan Qorǵanys mınıstrliginiń komıssııasy oqıǵa ornyna jiberildi", - delingen habarlamada.
Qazirgi tańda tórt tikushaqtyń ekeýi qonǵan. Olar Qyzylorda qalasynda. Al bireýi oqıǵa ornyna qaıta oralǵan.
Qorǵanys mınıstrligi men IIM birlesip, apattyń sebebin anyqtaý úshin tergeý jumystaryn bastady.
