Qalada ótken jyly 24 800 oryndyq 43 jańa mektep paıdalanýǵa berildi. Nátıjesinde, úsh aýysymdy mektepter sany 9-dan 4-ke, yńǵaılastyrylǵan mektep sany 4-ten 3-ke azaıǵan. Bıyl 18 mektepti paıdalanýǵa berip, úsh aýysymdy mektep máselesin tolyǵymen sheshý kózdelýde. Bul týraly búgin ortalyq kommýnıkaııalar qyzmetinde ótken brıfıngte Shymkent ákimi Murat Áıtenov baıandady.
Prezıdenttiń bastamasymen «Jaıly mektep» ulttyq jobasy aıasynda megapolıste 2025 jyl sońyna deıin 28 myń oryndyq 18 mektep paıdalanýǵa beriledi. Sondaı-aq Memleket basshysynyń tapsyrmasyna sáıkes 2 Oqýshylar saraıynyń qurylysy bastalyp, onyń 1-ýi jýyrda paıdalanýǵa beriledi. Odan bólek, 2029 jylǵa deıin syıymdylyǵy 750 oryndyq 5 óner mektebiniń qurylysy josparlanýda.
