Facebook jelısınde taraǧan surettegı örtten qalǧan aǧaştardy tasyp bara jatqan ŞQO nömırındegı kölık jürgızuşısı "Adyrna" redaksiiasyna habarlasyp oqiǧanyŋ Semei örtıne qatysy joq ekenın aitty, dep habarlaidy "Adyrna" tılşısı. Suret Erkejan Tūrsynbaeva esımdı qoldanuşynyŋ paraqşasynda jariialanǧan bolatyn.
Erkejan Tūrsynbaeva esımdı jelı qoldanuşysynyŋ paraqşasynda aǧaş börenelerdı tasyp bara jatqan ŞQO nömırındegı kölıktıŋ suretı qoǧamda qyzu talqyǧa tüstı. Atalmyş jait "Adyrnada" jariialanǧan soŋ, surettegı jük kölıgınıŋ jürgızuşısı bailanysqa şyǧyp fotodaǧy börenelerdıŋ Semei ormanyndaǧy örtke eş qatysy joq ekenın mälımdedı.
"Suret 13 mausym künı Semeige kıre berıs jerde tüsırılgen. Būl aǧaştar Qostanaidaǧy Äulieköl maŋyndaǧy örtten qalǧan böreneler. Kölık qazır tūraqta tūr. Qostanailyq aǧaştar ekendıgınıŋ dälelı retınde mörı jäne qūjattary da tügel" dep jauap berdı B. esımdı azamat.
Soŋynan berılgen polisei mälımetıne qaraǧanda būl oqiǧada eşqandai zaŋ būzuşylyq bolmaǧan. Börene tiegen kölıkke qatysty qūjattar da dūrys. Taraptar äleumettık jelıler men BAQ-ta tek resmi aqparat közınen mälımet aluǧa şaqyrǧan.
Eske sala keteiık, 2022 jyldyŋ 2 qyrküiegınde Qostanai oblysynda aumaǧy 43 myŋ gektardy qūraǧan orman örtı oryn alǧan bolatyn. Barlyǧy 2091 adam evakuasiialanyp, 12 adam ört kezınde jeŋıl jäne ortaşa auyrlyqtaǧy jaraqattar, küiıkter alyp, ulanǧan. 1935 jyly tuǧan bır adam qaza tapty. Ekı eldı mekendegı 91 tūrǧyn üi janyp kettı. Örttı 700-den asa qūtqaruşy söndırdı. 7 qyrküiek künı saǧat 15:00-de Qostanai oblysynda bolǧan ırı ört öşırıldı.
Ūqsas jaŋalyqtar
