Facebook jelisinde taraǵan sýrettegi órtten qalǵan aǵashtardy tasyp bara jatqan ShQO nómirindegi kólik júrgizýshisi "Adyrna" redakııasyna habarlasyp oqıǵanyń Semeı órtine qatysy joq ekenin aıtty, dep habarlaıdy "Adyrna" tilshisi. Sýret Erkejan Tursynbaeva esimdi qoldanýshynyń paraqshasynda jarııalanǵan bolatyn.
Erkejan Tursynbaeva esimdi jeli qoldanýshysynyń paraqshasynda aǵash bórenelerdi tasyp bara jatqan ShQO nómirindegi kóliktiń sýreti qoǵamda qyzý talqyǵa tústi. Atalmysh jaıt "Adyrnada" jarııalanǵan soń, sýrettegi júk kóliginiń júrgizýshisi baılanysqa shyǵyp fotodaǵy bórenelerdiń Semeı ormanyndaǵy órtke esh qatysy joq ekenin málimdedi.
"Sýret 13 maýsym kúni Semeıge kire beris jerde túsirilgen. Bul aǵashtar Qostanaıdaǵy Áýlıekól mańyndaǵy órtten qalǵan bóreneler. Kólik qazir turaqta tur. Qostanaılyq aǵashtar ekendiginiń dáleli retinde móri jáne qujattary da túgel" dep jaýap berdi B. esimdi azamat.
Sońynan berilgen polıeı málimetine qaraǵanda bul oqıǵada eshqandaı zań buzýshylyq bolmaǵan. Bórene tıegen kólikke qatysty qujattar da durys. Taraptar áleýmettik jeliler men BAQ-ta tek resmı aqparat kózinen málimet alýǵa shaqyrǵan.
Eske sala keteıik, 2022 jyldyń 2 qyrkúıeginde Qostanaı oblysynda aýmaǵy 43 myń gektardy quraǵan orman órti oryn alǵan bolatyn. Barlyǵy 2091 adam evakýaııalanyp, 12 adam órt kezinde jeńil jáne ortasha aýyrlyqtaǵy jaraqattar, kúıikter alyp, ýlanǵan. 1935 jyly týǵan bir adam qaza tapty. Eki eldi mekendegi 91 turǵyn úı janyp ketti. Órtti 700-den asa qutqarýshy sóndirdi. 7 qyrkúıek kúni saǵat 15:00-de Qostanaı oblysynda bolǵan iri órt óshirildi.
