"Úzdik attestatqa" úmitker edi". Sýııd jasaǵan oqýshylar týraly tyń derek shyqty

3013
Adyrna.kz Telegram

Abaı oblysy, Jarma aýdany, Aqtaılaq bı mektebiniń joǵary synyp oqýshylary kishi synyptarǵa qysym kórsetip, saldarynan 9-synyptyń eki oqýshysy bir ýaqytta óz ózine qol jumsamaq bolǵan edi. Osy oqıǵaǵa baılanysty  mektep dırektory qyzmetinen shettetilip, synyp jetekshi jumystan shyǵaryldy. Qazir arnaı qurylǵan top oqýshylarmen tildesip, tekseris júrgizip jatyr. Bul jaıly "Adyrna" ulttyq portaly "aikyn.kz"-ke silteme kórsete otyryp habarlaıdy. 

Jarma aýdandyq bilim bóliminiń málimetinshe, Aıqyn esimdi 9-synyp oqýshysy tańerteń óz úıiniń qorasynda jipke býynyp qalǵan. Qaıǵyly jaǵdaıdan keıin shuǵyl mobıldi top qurylyp, eki kún boıy mektep tirshiligine tekseris jurgizdi.

«Aıqyn bul mektepte birinshi synyptan bastap oqıdy. Kópbalaly otbasynda tarbıelengen ol bes balanyń tuńǵyshy. Otbasynyń turmystyq jaǵdaıy jaqsy. Aıqynnyń buryn óz-ózine qol jumsaý áreketteri bolmaǵan», – delingen aqparatta.

Al sýııd jasamaq bolǵanda qutqarylǵan Aıqynnyń synyptasyna qatysty tyń derekter shyqty. Qazir ol din-aman. Oqýshynyń ózinen úlken 11-synyp oqýshysymen eregesip, tóbeleskeni belgili boldy.

Qazirgi ýaqytta mektep dırektory qyzmetinen shettetilip, synyp jetekshisi jumystan shyǵaryldy.

«Synyp oqýshylaryn áńgimege tartý barysynda Aıqynnyń barlyq synyptasymen syılastyqta bolǵandyǵy anyqtaldy. Ózgege árdaıym kómekke kelýge daıyn bolyp, báriniń kóńil kúıin kóterýge tyrysatyny aıtyldy. Kishipeıil, adamgershiligi mol, ádil, karapaıym retinde sıpattaldy. Árdaıym sabaqqa daıyndalyp kelip, óz oıyn erkin jetkizetin. Ozat oqýshy bolǵan ol «Úzdik attestatqa» úmitker edi. Muǵalimderge eshqashan teris minezin kórsetpegen. Mánerlep oqýdan respýblıkalyq baıqaýlardyń, bokstan oblystyq jarystardyń júldegeri», – delingen habarlamada.

"Adyrna" ulttyq portaly Aıqynnyń otbasyna qaıǵyra otyryp kóńil aıtady.

Qurmetti, Qazaq eliniń azamattary. Barshańyzdy bir-birińizge baýyrmal bolyp, meıilinshe, aınalańyzǵa, kishige, úlkenge janashyrlyq, meıirim tanytýǵa shaqyramyz.

"Qazaqty jamandama, qazaq bala!
Halyq qoı qazaq degen az-aq qana!
Máńgilik Aı astynda,
Jer ústinde
Qazaqtyń janashyry qazaq qana!.."

"Adyrna" ulttyq portaly

Pikirler