Abai oblysy, Jarma audany, Aqtailaq bi mektebınıŋ joǧary synyp oquşylary kışı synyptarǧa qysym körsetıp, saldarynan 9-synyptyŋ ekı oquşysy bır uaqytta öz özıne qol jūmsamaq bolǧan edı. Osy oqiǧaǧa bailanysty mektep direktory qyzmetınen şettetılıp, synyp jetekşı jūmystan şyǧaryldy. Qazır arnai qūrylǧan top oquşylarmen tıldesıp, tekserıs jürgızıp jatyr. Būl jaily "Adyrna" ūlttyq portaly "aikyn.kz"-ke sılteme körsete otyryp habarlaidy.
Jarma audandyq bılım bölımınıŋ mälımetınşe, Aiqyn esımdı 9-synyp oquşysy taŋerteŋ öz üiınıŋ qorasynda jıpke buynyp qalǧan. Qaiǧyly jaǧdaidan keiın şūǧyl mobildı top qūrylyp, ekı kün boiy mektep tırşılıgıne tekserıs jūrgızdı.
«Aiqyn būl mektepte bırınşı synyptan bastap oqidy. Köpbalaly otbasynda tarbielengen ol bes balanyŋ tūŋǧyşy. Otbasynyŋ tūrmystyq jaǧdaiy jaqsy. Aiqynnyŋ būryn öz-özıne qol jūmsau äreketterı bolmaǧan», – delıngen aqparatta.Al suisid jasamaq bolǧanda qūtqarylǧan Aiqynnyŋ synyptasyna qatysty tyŋ derekter şyqty. Qazır ol dın-aman. Oquşynyŋ özınen ülken 11-synyp oquşysymen eregesıp, töbeleskenı belgılı boldy. Qazırgı uaqytta mektep direktory qyzmetınen şettetılıp, synyp jetekşısı jūmystan şyǧaryldy.
«Synyp oquşylaryn äŋgımege tartu barysynda Aiqynnyŋ barlyq synyptasymen syilastyqta bolǧandyǧy anyqtaldy. Özgege ärdaiym kömekke keluge daiyn bolyp, bärınıŋ köŋıl küiın köteruge tyrysatyny aityldy. Kışıpeiıl, adamgerşılıgı mol, ädıl, karapaiym retınde sipattaldy. Ärdaiym sabaqqa daiyndalyp kelıp, öz oiyn erkın jetkızetın. Ozat oquşy bolǧan ol «Üzdık attestatqa» ümıtker edı. Mūǧalımderge eşqaşan terıs mınezın körsetpegen. Mänerlep oqudan respublikalyq baiqaulardyŋ, bokstan oblystyq jarystardyŋ jüldegerı», – delıngen habarlamada."Adyrna" ūlttyq portaly Aiqynnyŋ otbasyna qaiǧyra otyryp köŋıl aitady. Qūrmettı, Qazaq elınıŋ azamattary. Barşaŋyzdy bır-bırıŋızge bauyrmal bolyp, meiılınşe, ainalaŋyzǧa, kışıge, ülkenge janaşyrlyq, meiırım tanytuǧa şaqyramyz. "Qazaqty jamandama, qazaq bala! Halyq qoi qazaq degen az-aq qana! Mäŋgılık Ai astynda, Jer üstınde Qazaqtyŋ janaşyry qazaq qana!.."
"Adyrna" ūlttyq portaly
Ūqsas jaŋalyqtar
