Basty bet
Jańalyqtar
Toqaevtyń tapsyrmasy: mamyrdan bastap qazaqstandyqtarǵa 40 myń páter beriledi

Toqaevtyń tapsyrmasy: mamyrdan bastap qazaqstandyqtarǵa 40 myń páter beriledi

27.03.2019

2441

Qazaqstan prezıdenti óńir basshylaryna halyqpen jıi kezdesip, eldi mekenderdi aralaýǵa tapsyrma berdi

NUR-SULTAN, 27 naýryz — Sputnik. Aqordada Qazaqstan prezıdenti Qasym-Jomart Toqaevtyń tóraǵalyǵymen keńes bastaldy. Jıynǵa Nur-Sultan, Almaty, Shymkent qalalarynyń jáne oblystardyń ákimderi qatysty, dep habarlady memleket basshysynyń baspasóz hatshysy Berik Ýálı.

"Aqordadaǵy keńes barysynda memleket basshysy Qasym-Jomart Toqaev Elbasy Nursultan Ábishuly Nazarbaev negizin qalaǵan áleýmettik turǵydan ádiletti el qurý baǵytyn jalǵastyrýdy mindettedi. Sonyń ishinde prezıdent ákimderge áleýmettik jaǵdaıy tómen azamattar úshin 40 myńnan astam jaldamaly páter berý máselesin jedeldetýdi jáne bul úderisti bıylǵy mamyr aıynan bastaýdy júktedi", - dep jazdy baspasóz hatshysy áleýmettik jelidegi paraqshasynda.

Sonymen qatar, Toqaev halyqtyń turmys sapasyna tikeleı áser etetin ınfraqurylymǵa qatysty júıeli máselelerdi shuǵyl sheshýdiń mańyzdy ekenin atap ótti.

Aqordadaǵy keńes barysynda prezıdent memlekettik apparat pen qoǵam arasyndaǵy tıimdi baılanystardy jolǵa qoıýdyń mańyzdylyǵyna toqtaldy.

Sondaı-aq, memlekettik organdardyń kommýnıkaııanyń zamanaýı arnalaryn paıdalana otyryp, tıimdi túsindirý jumystaryn júrgizýi qajettigin atap ótti.

Memleket basshysy óńir ákimderine halyqpen únemi kezdesýge jáne eldi mekenderdi jıi aralaýǵa tapsyrma berdi.

Sputnik.

Facebook - парақшамызға жазылыңыз!