Basty bet
Jaŋalyqtar
Toqaevtyŋ tapsyrmasy: mamyrdan bastap qazaqstandyqtarǧa 40 myŋ päter berıledı

Toqaevtyŋ tapsyrmasy: mamyrdan bastap qazaqstandyqtarǧa 40 myŋ päter berıledı

27.03.2019

2790

https://adyrna.kz/content/uploads/2019/03/mamyr.jpg

Qazaqstan prezidentı öŋır basşylaryna halyqpen jiı kezdesıp, eldı mekenderdı aralauǧa tapsyrma berdı

NŪR-SŪLTAN, 27 nauryz — Sputnik. Aqordada Qazaqstan prezidentı Qasym-Jomart Toqaevtyŋ töraǧalyǧymen keŋes bastaldy. Jiynǧa Nūr-Sūltan, Almaty, Şymkent qalalarynyŋ jäne oblystardyŋ äkımderı qatysty, dep habarlady memleket basşysynyŋ baspasöz hatşysy Berık Uäli.
"Aqordadaǧy keŋes barysynda memleket basşysy Qasym-Jomart Toqaev Elbasy Nūrsūltan Äbışūly Nazarbaev negızın qalaǧan äleumettık tūrǧydan ädılettı el qūru baǧytyn jalǧastyrudy mındettedı. Sonyŋ ışınde prezident äkımderge äleumettık jaǧdaiy tömen azamattar üşın 40 myŋnan astam jaldamaly päter beru mäselesın jedeldetudı jäne būl üderıstı biylǧy mamyr aiynan bastaudy jüktedı", - dep jazdy baspasöz hatşysy äleumettık jelıdegı paraqşasynda.

Sonymen qatar, Toqaev halyqtyŋ tūrmys sapasyna tıkelei äser etetın infraqūrylymǧa qatysty jüielı mäselelerdı şūǧyl şeşudıŋ maŋyzdy ekenın atap öttı.

Aqordadaǧy keŋes barysynda prezident memlekettık apparat pen qoǧam arasyndaǧy tiımdı bailanystardy jolǧa qoiudyŋ maŋyzdylyǧyna toqtaldy.

Sondai-aq, memlekettık organdardyŋ kommunikasiianyŋ zamanaui arnalaryn paidalana otyryp, tiımdı tüsındıru jūmystaryn jürgızuı qajettıgın atap öttı.

Memleket basşysy öŋır äkımderıne halyqpen ünemı kezdesuge jäne eldı mekenderdı jiı aralauǧa tapsyrma berdı.
Sputnik.