Jelide Jylbek Kerimbek atty azamat Mustafa Shoqaıdyń Berlındegi mazary buzylǵaly jatqanyn aıtyp, Alash arysynyń beıitiniń vıdeosyn jarııalaǵan bolatyn. Bul jóninde Ulysmedia.kz tilshisi mán-jaıdy bilý úshin QR Syrtqy ister mınıstrligine habarlasty, dep habarlaıdy “Adyrna” ulttyq portaly
SIM resmı ókili Aıbek Smadııarov aqparatty joqqa shyǵardy.
Zırat ornynda, eshkim oǵan tıisken joq. Elshiliktiń qyzmetkeri baryp taǵy da tekserip qaıtty, zırattyń basshylyǵymen sóılesti, – dep jaýap berdi ol.
Buǵan deıin jelide Mustafa Shoqaıdyń beıitin Qazaqstanǵa alyp ketýdi ótingen vıdeo jarııalanǵan edi.
Tez arada súıegin Túrkistanǵa jetkizip, jerleý kerek. Mustafanyń bar arman-derti Túrkistan memleketin qurý edi. Sondyqtan Túrkistanda jatqany jón. Ún qosaıyq, aǵaıyn, – delingen jelidegi jazbada.
Odan bólek, ol jerde bolyp, Quran baǵyshtaǵandar da tabyldy.
Ol jerde Mustafadan basqada 2-3 qazaq jerlengen, Ekinshi Dúnıe júzilik soǵys qurbandary.Osydan 20 jyl buryn men bolǵanmyn ol jerde, Quran baǵyshtap qaıtyp edim ol marqumdarǵa, - deıdi taǵy bir qoldanýshy.
