Jelıde Jylbek Kerımbek atty azamat Mūstafa Şoqaidyŋ Berlindegı mazary būzylǧaly jatqanyn aityp, Alaş arysynyŋ beiıtınıŋ videosyn jariialaǧan bolatyn. Būl jönınde Ulysmedia.kz tılşısı män-jaidy bılu üşın QR Syrtqy ıster ministrlıgıne habarlasty, dep habarlaidy “Adyrna” ūlttyq portaly
SIM resmi ökılı Aibek Smadiiarov aqparatty joqqa şyǧardy.
Zirat ornynda, eşkım oǧan tiısken joq. Elşılıktıŋ qyzmetkerı baryp taǧy da tekserıp qaitty, zirattyŋ basşylyǧymen söilestı, – dep jauap berdı ol.
Būǧan deiın jelıde Mūstafa Şoqaidyŋ beiıtın Qazaqstanǧa alyp ketudı ötıngen video jariialanǧan edı.
Tez arada süiegın Türkıstanǧa jetkızıp, jerleu kerek. Mūstafanyŋ bar arman-dertı Türkıstan memleketın qūru edı. Sondyqtan Türkıstanda jatqany jön. Ün qosaiyq, aǧaiyn, – delıngen jelıdegı jazbada.
Odan bölek, ol jerde bolyp, Qūran baǧyştaǧandar da tabyldy.
Ol jerde Mūstafadan basqada 2-3 qazaq jerlengen, Ekınşı Dünie jüzılık soǧys qūrbandary.Osydan 20 jyl būryn men bolǧanmyn ol jerde, Qūran baǧyştap qaityp edım ol marqūmdarǧa, - deidı taǧy bır qoldanuşy.
