Jetisý oblysynda qant óndirisin damytý úshin osy jyly qant qyzylshasynyń alqaby 2 esege ulǵaıtylyp, 8 515 gektar boldy. Odan 47 myń tonna qant óndirý josparlanýda. Bul óńirdiń qantqa degen suranysyn tolyq jaýyp (11 myń tn), ónimdi elimizdiń ózge óńirlerine shyǵarýǵa múmkindik beredi. Bul týraly Eskeldi aýdanyndaǵy «Taý Jetisý» bazasynda Ortalyq kommýnıkaııalar qyzmetiniń uıymdastyrýymen ótken Jetisý oblysy ákimi Beıbit Isabaevtyń brıfıngisinde belgili boldy, - dep habarlaıdy Jetisý oblysy ákiminiń baspasóz qyzmeti.
Sol sııaqty óz baıandamasynda oblys basshysy sý sharýashylyǵy nysandaryn qaıta jańǵyrtý men jóndeý jumystary týraly da aıtyp ótti. Onyń aıtýynsha, Islam Damý Banki qarajaty esebinen Aqsý aýdanynda 6,3 mlrd. teńgege sýarý júıelerinde qurylys jumystary bıyl aıaqtalady, al Kóksý aýdanynda osy jyly bastalady, oǵan 8,3 mlrd. teńge qarastyrylǵan. Sonyń nátıjesinde Aqsý aýdanynda 11,5 myń ga, Kóksýda 13,6 myń gektar jer sýmen qamtylady.
- Aqsý aýdanyndaǵy Qyzylaǵash sýarý massıviniń qurylysyna respýblıkalyq bıýdjetten 8,9 mlrd. teńge bólinip, búgingi kúnge sý qubyrlary salyna bastady. Bıyl bitýi tıis. Osynyń arqasynda 6,7 myń gektar jerge sýarý júıeleri salynady, onyń 5,3 myń ga jańa jerler. Jalpy 30 myń gektar alqap sýarmaly sýmen qamtylady, - dedi B.Isabaev.
Jetisý oblysy ákiminiń baspasóz qyzmeti.
