«Qorǵas – Shyǵys qaqpasy» arnaıy ekonomıkalyq aımaǵy Jetisý oblysy ekonomıkasynyń damýyna tyń serpin beredi. Onyń aýmaǵynda 2030 jyldyń sońyna deıin jalpy quny 570 mlrd. teńgelik 30 jobany iske asyrylý mejelengen. Bul týraly búgin Ortalyq kommýnıkaııalar qyzmetiniń úılestirýimen Eskeldi aýdanyndaǵy «Taý Jetisý» týrıstik nysanynda ótken brıfıngide Jetisý oblysynyń ákimi Beıbit Isabaev aıtty, - dep habarlaıdy Jetisý oblysy ákiminiń baspasóz qyzmeti.
AEA-da QHR-men birlesip, «Qazaqstan-Qytaı halyqaralyq ónerkásip qalasy» ındýstrıaldy tehnopark qurylysynyń jobasy qolǵa alynýda. Aýmaǵy 1000 ga bolatyn jobaǵa 330 mlrd. teńge ınvestıııa tartylyp, 2 myńnan astam jumys orny ashylady. «Jobany jandandyrý týraly memorandým jasastyq, jyl sońyna deıin qurylystyń birinshi kezeńin bastaý josparlanyp otyr», - dedi B.Isabaev.
Spıkerdiń sózine súıensek, óńirdiń agrarlyq baǵytyn eskere otyryp, AEA aýmaǵynda Qytaıdaǵy jańbyrlatyp sýarý júıesiniń iri óndirýshisi «VODAR» kompanııasy quny 20 mln. dollar bolatyn ırrıgaııalyq qural-jabdyqtar shyǵaratyn zaýyt ashýdy josparlap otyr. Alǵashqy jelisi bıylǵy jyly iske qosylady.
Sonymen qatar oblystyń shekaralyq aımaqta ornalasýyn tıimdi paıdalaný úshin kólik-logıstıkalyq salada Dostyk TransTerminal», «DAR RAIL Infrastructure», «ETT Dostyk» kompanııalarynyń 3 jobasy qarastyrylǵan. Iaǵnı kóp fýnkıonaldy júk tıeý termınalynyń qurylysy júrgiziledi, quny 57,3 mlrd.teńge, jalpy qýaty 11 mln. tonna nemese 630-700 myń konteıner.
Eske salsaq, 3 jyldyq úzilisten keıin «Qorǵas» HShYO óz jumysyn qaıta bastaǵan bolatyn. Jumys rejımine ózgerister engizilip, taýar tasymaldaýdyń jańa normalary bekitilgen. Qazirgi kezde Úkimettiń qaýlysymen «Qorǵas» HShYO ákimdik balansyna berildi.
Jetisý oblysy ákiminiń baspasóz qyzmeti.
