Qyzuy köterılıp, auruǧanaǧa barǧan er adamdy şetelde masa şaǧyp alǧany anyqtaldy, dep habarlaidy "Adyrna" ūlttyq portaly Pavlodarnews.kz resursyna sılteme jasap.
Densaulyq saqtau basqarmasynyŋ mälımetınşe, 37 jastaǧy qyzyljarlyq tūrǧyn oblystyq auruhanaǧa 38 gradusqa deiıngı temperatura, börtpe, entıgu, älsızdık, letargiia, baltyr būlşyqetınıŋ, buyndardyŋ auyrsynuy sekıldı şaǧymdarmen kelgen.
«Nauqas bır apta boiy üiınde auyrǧan, ambulatoriialyq kezeŋde emdeu nätije bermegen soŋ infeksiia bölımıne jügındı. Tekseru kezınde infeksionist därıgerler ärdaiym basqa elderge barǧan-barmaǧanyn sūraidy. Jıgıt osy jaqynda ǧana Tailandtan kelgen, ony jändık şaǧyp alypty. Er adam şūǧyl auruhanaǧa jatqyzyldy, klinikalyq jäne aspaptyq zertteu jasaldy. Diagnoz - denge bezgegı. Altynşy künı pasient aiyǧyp, üiıne şyqty», - dedı aimaqtyŋ DSB.Sonymen qatar, densaulyq saqtau basqarmasynyŋ mamandary virustyq infeksiia jaily aqparat berdı.
«Denge - adamǧa masadan berıletın virustyq infeksiia. Tropikalyq jäne subtropikalyq klimaty bar aimaqtarda jiı kezdesedı. Qazaqstanda tek şetelden äkelıngen jaǧdailar tırkeledı, būl auru bızge tän emes. Adamnan adamǧa jūqpaidy. Bıraq denge bezgegı qan ketıp, şok tuǧyzatyn, keide ölımge aparyp soǧatyn gemorragiialyq qyzba tudyruy mümkın», - dedı densaulyq saqtau basqarmasy.
"Adyrna" ūlttyq portaly
Ūqsas jaŋalyqtar
turizm
Tailand
qazaqstandyqtar
virustyq infeksiia
denge bezgegı
tailandta demalys
qyzyljarlyq tūrǧyn
