Astanada Sergek drondary synaqtan ötıp jatyr. Būl turaly Sergek Group kompaniiasynyŋ baspasöz qyzmetı mälımdedı, dep habarlaidy “Adyrna”.
Aqparatqa säikes, Sergek jüiesımen integrasiialanǧan drondardy qoldanu naqty uaqyt rejimınde jol erejesın būzǧandardy, aliment tölemegender men boryşkerlerdı anyqtauǧa, aqparatty polisiia planşetıne jyldam jetkızuge jäne sol arqyly qūqyq qorǧau organdarynyŋ jūmys tiımdılıgın arttyruǧa jol aşady.
«Bızdıŋ maqsat — joldaǧy qauıpsızdık. İntellektualdy beinebaqylau jüiesımen jabdyqtalǧan drondar naqty uaqytta zaŋ būzuşylyqty tırkep, erejenı būzǧan kölıktı tabuǧa jäne mälımettı jedel patrul qyzmetıne jetkızuge mümkındık beredı. Būl tek jedel äreket etu ǧana emes, jol apaty sanyn azaityp, joldaǧy tärtıptı küşeituge yqpal etetın şeşım», — dedı Işkı ıster ministrlıgı aqparattandyru jäne bailanys departamentınıŋ bastyǧy, polisiia polkovnigı Sergei Vargo.
Synaq aiasynda Sergek Group äzırleuşılerı Işkı ıster ministrlıgı jäne «Qaztelekom» AQ ökılderımen bırlese otyryp, drondardy ärtürlı baǧytta synaidy. Atap aitqanda, patruldeu formatynan bastap naqty baǧyttalǧan ızdestıruge deiın. Eger nätijeler oŋ bolsa, atalǧan joba basqa öŋırlerge de keŋeitıluı mümkın.
