Kaspıı qurysa, jer sıpap qalýymyz múmkin. Aqtaýda tótenshe jaǵdaı jarııalandy

2422
Adyrna.kz Telegram

Jer sharyndaǵy birden bir tuıyq sý aıdyny Kaspıı teńiziniń sońǵy jyldarda tartylyp barady. Bulaı jalǵasa berse, Araldyń kebin kııýi múmkin. Aqtaýda jergilikti deńgeıdegi tabıǵı tótenshe jaǵdaı rejımi engizildi. Bul shara Kaspıı teńizindegi sýdyń sarqylýyn sheshý maqsatynda qolǵa alynyp otyr dep habarlandy, dep jazady "Adyrna" ulttyq portaly.

«7 maýsymnan bastap jobalaý-izdestirý jumystaryn júrgizý úshin jergilikti aýqymdaǵy tabıǵı tótenshe jaǵdaı jarııalaý týraly sheshim qabyldandy» dep habarlaıdy qala ákimdiginiń baspasóz qyzmeti.
Ekologııa mınıstri Zúlfııa Súleımenova Kaspıı teńiziniń elimizdegi aımaǵy eń taıaz aýmaq ekendigin eske salyp,  teńizdiń sýy azaıǵan saıyn oǵan quıatyn sý da azaıatynyn aıtty.

Birinshiden, Kaspıı teńizine quıatyn ózender aǵysy tómen. Teńiz - jabyq sý aıdyny. Ekinshiden, sol ózenderdiń gıdrologııalyq rejımderine áser etetin klımattyń ózgerýi, - dep atap ótti Súleımenova.

Sonymen qatar Súleımenova bul másele Kaspıı mańyndaǵy eldermen talqyǵa salynyp jatqanyn aıtty. Onyń aıtýyna qaraǵanda, bul problemany keshendi túrde sheshpese tek Qazaqstan emes, Kaspıı teńizi jaǵalaýyndaǵy ózge de memleketter úshin qaýip ákelmek.

Orta Azııada sý máselesi ýaqyt ótken saıyn órship barady. Ózbekstannyń Úkimet basshysy Astana qalasyndaǵy forýmda Aral taǵdyryn aıtyp, dabyl qaqty. Qyrǵyzstan prezıdenti Sadyr Japarov Qyrǵyzstanda sý resýrstaryna asa mán berilip, únemdi paıdalaný joldary qolǵa alynǵanyn málim etti.

Pikirler