Astana halyqaralyq forýmyna qatysqan Ózbekstannyń premer-mınıstri Abdýlla Arıpov sheteldik ınvestorlardy Ortalyq Azııadaǵy ekologııalyq máselelerdi sheshýge shaqyrdy, dep habarlaıdy "Adyrna" ulttyq portaly "QazAqparat" portalyna silteme kórsete otyryp.
«Osy alańdy paıdalana otyryp, halyqaralyq seriktester men ınvestorlardyń nazaryn Ortalyq Azııadaǵy ekologııalyq máselelerge aýdarǵym keledi. Bul oraıda Aral apatynyń saldaryn eskerý mańyzdy. Sonymen qosa, Ortalyq Azııa elderiniń ózge de álem memleketterimen aradaǵy saýda-sattyq kólemin keńeıtýge baǵyttalǵan qoldaý sharalary da kún tártibinde. Odan bólek, ınvestorlarmen birlesip aýyl sharýashylyǵy jáne kólik-logıstıkalyq salalaryn damytýǵa múddelimiz», - dep málim etti Abdýlla Arıpov.
Premer-mınıstr óz sózinde 2030 jylǵa deıin Ózbekstan jan basyna shaqqanda jalpy ishki ónim kólemi orta deńgeıden joǵary elder sanatyna enýdi maqsat etkenin aıtty. Ol úshin Ortalyq Azııa elderimen birlesip taýar aınalymyn arttyrý, aımaqta bar paıdaly qazba resýrstarynyń qoryn tıimdi qoldaný tetikterin pysyqtamaq.
"Adyrna" ulttyq portaly
