Onyń pikirinshe, Nursultan Nazarbaevtyń "Ult kóshbasshysy" retinde mártebesi buǵan deıin anyqtalǵan, al qazirgisi sol zańnyń aıasynda jasalǵan tehnıkalyq qadam ǵana.

"Ótken jyly jazda zań qabyldandy. Qaýipsizdik keńesi týraly zań. Onyń tóraǵasy bolyp Nursultan Nazarbaev saılanǵan bolatyn. Onda da ómir baqılyqqa. Al konstıtýııalyq organ bolyp tabylatyn bul keńes bıliktiń barlyq tarmaǵyn baqylap, jónge keltirip otyrady. Onyń sondaı quzireti bar. Demek osyǵan deıin Qazaqstandy Nazarbaev basqarsa, endi Nazarbaev ujymy basqarady",- deıdi saıasattanýshy.

Ol bul jaıttyń saıası júıege eleýli ózgerister ákele qoımaıdy dep boljaıdy.

"Zań boıynsha prezıdent ókilettigin toqtatsa, senat basshysy bul isti óz qolyna alady. Toqaevtyń ýaqytsha prezıdent mindetin atqarýy, osy jaǵynan alǵanda, zańdy. Mundaıdy, mysaly Iran tájirıbesinen baıqaýǵa bolady. Onda prezıdent emes, rýhanı kóshbasshy bárin basqarady. Sol sekildi bizdegi bıliktiń tizgini endi prezıdentte emes, ult kóshbasshysynda bolady", - deıdi ol.

Al qazir bosap qalǵan prezıdent kreslosynan saıasattanýshy Darıǵa Nazarbaevany kóretinin aıtady.

"Sońǵy kezderi Elbasy Darıǵa Nazarbaevany kóptegen sheteldik saparynda birge ertip júrdi. Trampen de tanystyrdy. Menińshe, munyń bári kezdeısoqtyq emes. Múmkin prezıdenttikke qyzy kelip qalatyn shyǵar. Bolmasa ýaqytsha taǵaıyndalǵan Toqaevtyń qaıta saılanýy múmkin. Óıtkeni ol shetel moıyndaǵan Elbasyǵa óte jaqyn adam", - deıdi ol.

Aıta ketsek, Qaýipsizdik keńesi 1991 jyly el taǵdyryna baılanysty mańyzdy máseleler sheshiletin konsýltatıvti-keńesshi organ bolyp qurylǵan. Ol 1993 jyly QR Qaýipsizdik keńesi bolyp qaıta quryldy. Al 2018 jyly 31 mamyrda qabyldanǵan zańǵa sáıkes,  Qaýipsizdik keńesiniń mártebesi qaıta qaralyp, ol konsýltatıvti-keńesshi organnan konstıtýııalyq organǵa aınaldy. Onyń ómirbaqı tóraǵasy bolyp Nursultan Nazarbaev bekitilgen.