“Qyran” búrkitshiler federaııasynyń atqarýshy dırektory, etnograf, ult janashyry Baǵdat Múptekeqyzy “Adyrna” ulttyq portalyna bergen suhbatynda Qazaqstannyń kók týyndaǵy qyrannyń beınesi týraly aıtyp berdi.
Baǵdat Múptekeqyzynyń aıtýynsha, kók týdaǵy qyran qazaqtyń bolmysyn kórsetedi.
Qazaq bıikten qaraı bilgen. Qyran eki qanatyn sermep, aspanǵa kóterilgende “búkil álem meniń qanatymnyń astynda” deıdi eken. Qazaq ta osyndaı, taýda turǵan. Bıikte turyp, búkil ádemdi kózqarasymen baqylap otyrǵan.
Qyrannyń beınesi óte fılosofııalyq tereń maǵyna bergen. Qazaq óz keń dalasynda, keń jaılaýda uly dalany meken etken halyq qalaı qııaldanbaıdy, kez kelgen dúnıeden fılosııalyq mán tappaıdy?
Nelikten qyran bizdiń týymyzda tur? Myna qyrannyń búkil bet-beınesi qazaq qoı. Sony qalaı oılap taýyp, bizdiń týymyzǵa kirgizgen?!
Sosyn tazalyqtyń barlyǵy bıikte. Qyran jerdegi basqa ań-qustyń jep tastap ketken dúnıesin jemeıdi. Bul óte taza. Bizdiń qazaq ta sondaı. Óziniń eńbegimen, kúshimen tapqan dúnıesin ıe bolǵan. Bul bireýdiń dúnıesine ıe bolmaǵan. Budan óziniń beıbit súıgishtigi, bul barlyq dúnıeni joǵarydan qaraıtyndyǵyn bildiredi.
Qyran - kúnge qaraı tike ushatyn jalǵyz qus. Eshqandaı adam balasy kúnge qaraı almaıdy. Al bizdiń qazaq dúnıeniń barlyǵyna tike kózqaraspen qaraǵan. Bizdiń búkil bolmysymyz qyranmen baılanysty, - dedi Baǵdat Múptekeqyzy.
