Almatyda órtke oranǵan avtokóliktiń qozǵalys ústindegi vıdeosy tarady. Kýágerlerdiń aıtýynsha júrgizýshi kólikten shyǵyp úlgergen. Bul týraly Almaty qalasy Tótenshe jaǵdaılar departamentiniń baspasóz qyzmeti málimdedi, dep habarlaıdy “Adyrna” ulttyq portaly.
Málimet boıynsha, oqıǵa 2 maýsymnan 3 maýsymǵa qaraǵan túni saǵat 2:38-da Ál-Farabı men Rozybakıev kósheleriniń qıylysynda bolǵan. Órttiń negizgi sebebi gazdyń shyǵýynan bolǵany jetkizildi.
2003 jylǵy Toyota Land Cruiser kóliginiń 6 sharshy metr aýmaqta jandy. Órt 2:57-de anyqtalyp, 3:03-te joıyldy. Órttiń aldyn ala sebebi - gaz-aýa qospasynyń shyǵýy. Kýágerlerdiń aıtýynsha, júrgizýshi men jolaýshy salonnan shyǵyp úlgergen. Olar aýrýhanaǵa jatqyzýdan bas tartqan, — dep habarlady TJD.
Qutqarýshylar kóliktegi órt 2-3 mınýtta tolyǵymen tez taralatynyn eske saldy. Sondyqtan avtokólikterdiń gaz ballondary men elektr jabdyqtaryna mamandandyrylǵan tehnıkalyq men órt sóndirgish quraldar bolǵany jón.
