الماتىدا ورتكە ورانعان اۆتوكولىكتىڭ قوزعالىس ۇستىندەگى ۆيدەوسى تارادى. كۋاگەرلەردىڭ ايتۋىنشا جۇرگىزۋشى كولىكتەن شىعىپ ۇلگەرگەن. بۇل تۋرالى الماتى قالاسى توتەنشە جاعدايلار دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، وقيعا 2 ماۋسىمنان 3 ماۋسىمعا قاراعان ءتۇنى ساعات 2:38-دا ءال-فارابي مەن روزىباكيەۆ كوشەلەرىنىڭ قيىلىسىندا بولعان. ءورتتىڭ نەگىزگى سەبەبى گازدىڭ شىعۋىنان بولعانى جەتكىزىلدى.
2003 جىلعى Toyota Land Cruiser كولىگىنىڭ 6 شارشى مەتر اۋماقتا جاندى. ءورت 2:57-دە انىقتالىپ، 3:03-تە جويىلدى. ءورتتىڭ الدىن الا سەبەبى - گاز-اۋا قوسپاسىنىڭ شىعۋى. كۋاگەرلەردىڭ ايتۋىنشا، جۇرگىزۋشى مەن جولاۋشى سالوننان شىعىپ ۇلگەرگەن. ولار اۋرۋحاناعا جاتقىزۋدان باس تارتقان، — دەپ حابارلادى تجد.
قۇتقارۋشىلار كولىكتەگى ءورت 2-3 مينۋتتا تولىعىمەن تەز تارالاتىنىن ەسكە سالدى. سوندىقتان اۆتوكولىكتەردىڭ گاز باللوندارى مەن ەلەكتر جابدىقتارىنا مامانداندىرىلعان تەحنيكالىق مەن ءورت سوندىرگىش قۇرالدار بولعانى ءجون.
