«Shymkent jastar lıgasynyń» jeńimpazdaryna shaǵyn avtobýstar tabys etildi

6371
Adyrna.kz Telegram

Búgin úsh jyl qatarynan dástúrli túrde uıymdastyrylyp kele jatqan «Shymkent jastar lıgasy» jobasynyń III - kezeńi óz máresine jetti. Fınaldyq oıyndar qaıta jańǵyryp, rekonstrýkııalanǵan «Metallýrg» stadıonynda ótti. Shymkenttiń talaı jyldyq tarıhyna kýá bolǵan bul stadıonda jastardyń sportpen alańsyz aınalysýyna barlyq qolaıly jaǵdaılar jasalǵan. 

«Shymkent jastar lıgasy» jobasynda fýtbol, basketbol, voleıbol, shahmat túrlerinen 151 jalpy orta bilim berý mektepterinen 500-den astam komanda jasaqtalyp, 6 myńǵa jýyq oqýshy qatysty. Jobanyń fınaldyq kezeńine qala ákimi Murat Áıtenov qatysyp, jobanyń mańyzdylyǵyna toqtaldy.

“Osydan úsh jyl buryn respýblıkada alǵashqy bolyp «Shymkent jastar lıgasy» atty biregeı jobany bastaǵan bolatynbyz. Bul joba sátti júzege asyp, mektep oqýshylarynyń, muǵalimder men ata-analardyń úlken qoldaýyna ıe bolyp otyr. Dástúrli túrde uıymdastyrylyp kele jatqan bul jarys jastarymyzdyń buqaralyq sportqa qyzyǵýshylyǵyn arttyrýda.

Bıyl lıgaǵa 6 myńnan astam oqýshynyń qatysýy – lıganyń buqaralyq sıpat alǵanynyń kórinisi” – dedi qala ákimi.
Saltanatty sharada maýsymnyń jeńimpazdary marapattaldy. Ár sport túri boıynsha chempıon komandalarǵa demeýshilerdiń qoldaýymen alynǵan 20 mıllıon teńgeniń 4 shaǵyn avtobýsy tabystaldy.

Shahmattan - Ó.Joldasbekov atyndaǵy №9 IT lıeıiniń, voleıboldan - A.Baıtursynov atyndaǵy №50 mektep-gımnazııasynyń, basketboldan - M.H.Dýlatı atyndaǵy №8 gımnazııanyń, al, fýtboldan — T.Tájibaev atyndaǵy №47 mektep-gımnazııasynyń komandalary lıganyń chempıony atandy.

Pikirler