Máskeý qalasy ákimi turǵyn úılerdiń "tars tóbesinen túsken" shabýyldyń bolǵanyn álginde ǵana rastady. Mundaı shabýyldar qalanyń ońtústik-batysynda bolǵan. Reseıdiń Qorǵanys mınıstrliginiń habarlaýynsha ushýda ushqyshty qajet etpeıtin mundaı 8 qurylǵy Máskeý aspanyn búrkegen. Mundaı habar Kıevti úsh kún qatarynan atqylap jatqan kezde kelip jetti.
Esterińizge sala keteıik, drondar Máskeý aspanyn alǵashqy ret torýyldap otyrǵan joq. Mamyr aıynyń basynda drondar Kremlge qarsy baǵyttalǵan edi. Oqıǵaǵa qatysty ózge de derekter jaıly "Adyrna" ulttyq portaly jazady.
Ushqyshsyz ushatyn qurylǵylar Máskeý men Máskeý túbegine shabýyldaǵan.
Foto: áleýmettik jelilerden
Máskeý ákimi Sergeı Sobıanın tańsárimen qalaǵa ushqyshsyz ushaqtar shabýyl jasap, birneshe ǵımaratty zaqymdaǵanyn aıtty.
"Bári din-aman. Qazirgi ýaqytta eshkim qatty zardap shekken joq. Tek resmı derekkózderge senińizder. Tekserilmegen aqparatty taratpaýyńyzdy suraımyn", - dep jazdy Sobıanın.
Onyń aıtýynsha, qaýipsizdik maqsatymen eki turǵyn úıdiń turǵyndary evakýaııalandy.
Sonymen qatar, Máskeýdegi Deptrans Ýdalov kóshesiniń bir bóligi, Lenın dańǵylynan Mıhaıl Pevov kóshesine deıingi joldyń jabylǵany habarlandy.
Ushaqtar Máskeýdegi úsh turǵyn úıge shabýyl jasady. Atap aıtqanda:
- "Kásipodaq" kóshesindegi toqsan segizinshi nómirli turǵyn úıdiń 16 qabatyna dron qulady. Úıdiń qabyrǵasy qırap, áınekteri synǵan. Úıdiń kireberis bóligindegi turǵyndar evakýaııalandy.
- Lenın dańǵylynyń boıyndaǵy kópqabatty úıdiń birine dron baǵyttalǵan. Baza telegrammalarynyń habarlaýynsha, dron 14 qabatty páterge ushyp jetti, biraq jarylǵan joq.
- Jańa Máskeý, Atlasov kóshesiniń boıyndaǵy turǵyn úıdiń ishine qurylǵy kirgen. Nátıjesinde, 24 qabatty úıde jarylys boldy. Bul haqynda Reseı TJM-cy málimdedi.
foto: "24 kanal"
Sonymen qatar, Máskeý oblysynyń Odınovo men Krasnogorsk, Jańa Rıga men Barvıha aımaǵynda da jarylys daýysy estildi.
- Máskeý oblysynyń gýbernatory Andreı Vorobevtiń aıtýynsha, áýe qorǵanysy aspandaǵy drondardy der kezinde anyqtaı alǵan. Olardyń birnesheýi Máskeýge ushyp bara jatqan jerinen atyp túsirilgen.
- "Baza" telegram-kanalynyń málimeti boıynsha, búgin tańerteń Máskeý oblysynda 10-nan astam drondar atyp túsirildi, olardyń kópshiligi Istra, Krasnogorsk jáne Odınov aýdandarynda "quryqqa túsken".
Sonymen qatar, "Baza" tańerteńgi shabýylǵa shyqqan drondardyń sany jıyrma bes bolǵanyn jazdy. Olardyń bir bóligi jer baýyrlaı ushyp, aǵashtar men symdarǵa ilingen.
Report arnasy eki adamnyń medıınalyq kómekke júgingenin qosa aıtty.
Al, Máskeý qalasynyń ákimi Sobıanın jergilikti jerlerde jedel-járdem qyzmetiniń jumys istep jatqandyǵyn jetkizip, alańdaýǵa negiz joq ekendigin alǵa tartyp otyr.
"Adyrna" ulttyq portaly
