Izraıl eriktileri Gaza sektoryna jaqyn ornalasqan Beerı kıbýynda HAMAS shabýylynan qaza tapqan 100-den astam adamnyń máıitin tapqanyn málimdedi, dep habarlaıdy «Adyrna» ulttyq portaly.
Azattyq radıosynyń málimetinshe, jergilikti turǵynnyń biri kıbýtyń tolyq joıylǵanyn aıtty. Buǵan deıin Beerıde myńǵa jýyq adam turǵan. Máıitter áli de kóp bolýy múmkin.
Beerı kıbýy — 7 qazanda tańerteń HAMAS shabýylyna ushyraǵan eldi mekenniń biri. Mundaǵy turǵyndardyń kepilge alynyp, keıin bosatylǵany týraly habar tarady.
Buǵan deıin Izraıl áskeriniń ókilderi HAMAS sodyrlaryna qosymsha kúshter Gazadan Beerıge deıin qazylǵan jerasty jolymen kelýi múmkin degen boljam aıtqan.
Sondaı-aq 7 qazannan beri HAMAS-tyń Izraılge shabýyly kezinde kem degende 900 adam qaza bolyp, eki jarym myńǵa jýyq adam jaralanǵan. Júzdegen adam habar-osharsyz ketti, taǵy júzge jýyq adam kepilge alynǵan, olar Gaza sektorynda bolýy múmkin.
Eske salsaq, Izraıl shabýylǵa jaýap retinde «Temir qylysh» áskerı operaııasyn júrgizip, Gaza sektoryndaǵy nysandarǵa shabýyl jasap jatyr. Palestına tarapynyń habarlaýynsha, Izraıl qorǵanys kúshteriniń soqqysynan 700-ge jýyq palestınalyq qaza taýyp, Gazadaǵy tórt myńǵa jýyq turǵyn jaralanǵan.
«Adyrna» ulttyq portaly
