29 mamyr Astana qalasynda «İmam – ızgı qoǧam jarşysy» taqyrybynda ūiymdastyrylǧan V respublikalyq imamdar forumy öttı.
Forumǧa Qazaqstan Respublikasynyŋ Memlekettik keŋesşısı Erlan Qarin, Aqparat jäne qoǧamdyq damu ministrı Darhan Qydyrälı, Qazaqstan mūsylmandary dıni basqarmasynyŋ töraǧasy, Bas müfti Nauryzbai qajy Taǧanūly, Ǧūlamalar, Sarapşylar keŋesınıŋ müşelerı, medrese-kolledj ben qarilar ortalyǧynyŋ direktorlary, sondai-aq elımızdıŋ är aimaǧynan kelgen 350 imam qatysty.
Qazaqstan Respublikasynyŋ Memlekettık keŋesşısı Erlan Qarin qoǧamdaǧy imamdardyŋ rölın airyqşa atap öttı.
”İmam – halyqty bırlıkke ündeitın, qoǧamdy meiırımdılıkke şaqyratyn tūlǧa. Adamdardyŋ kökıregıne ızgılıktıŋ dänın seuıp, jūrtşylyqty jaqsylyqqa nasihattaidy. Sondyqtan imamdardyŋ el ışındegı orny erekşe. Soǧan säikes, olarǧa artylatyn jauapkerşılık te zor.
İmam men jamaǧattyŋ arasynda özara tüsınıstık, yntymaq pen qūrmet bolsa, onda qoǧamnyŋ tūraqtylyǧy da beki tüsedı. Jūrt arasynda jürgende imamdarmen jiı jolyǧysyp jatamyz. Sol kezde «Jamaǧatyŋyz qalai?» degen sūraq qoiamyz. Sonda baiqaǧanym, bügınde imamdar jamaǧattary jaiynda aitqanda erekşe meiırlenıp ketedı. Meşıtke keluşılerdıŋ bır-bırıne kömek qolyn sozyp jatqanyn, sürıngendı demeitın yntymaǧy bar ekenın aitady.
Būl el bırlıgınde jaŋa ırgetas qalyptasyp jatqanyn körsetedı. Halyqtyŋ bır-bırıne şarapatyn tigızıp, auyzbırşılıkte ömır sürıp jatqanyn naqtylaidy. Osyǧan qarap, Müftiiat pen imamdardyŋ jūmysy tabysty ıske asyp jatqanyna kuä bolamyz”, - dedı Memlekettık keŋesşı.
Sondai-aq, imamdar forumynyŋ ündeuı qabyldandy. Ündeudı QMDB Uaǧyz-nasihat bölımınıŋ meŋgeruşısı Batyrjan Mansūrov oqydy.
”Bız, dın jäne qoǧam qairatkerlerı, ziialy qauym ökılderı, Qazaqstan mūsylmandary dıni basqarmasy janyndaǧy Ǧūlamalar keŋesınıŋ müşelerı, «İmam – ızgı qoǧam jarşysy» V Respublikalyq imamdar forumynyŋ qatysuşylary forumda qabyldanǧan «Qazaqstan mūsylmandary dıni basqarmasynyŋ ruhani (dıni jäne ūlttyq) qūndylyqtardy nasihattaudaǧy rölı», «İmamnyŋ jamaǧat namazyn ötkızu tärtıbı», «Qajynyŋ ruhani kelbetı» qūjattaryn bırauyzdan qoldaimyz.
Forumda qabyldanǧan qūjattardy yjdahattylyqpen el arasynda, jamaǧat ışınde nasihattau asa maŋyzdy ıs dep sanaimyz. Dıni jäne ūlttyq qūndylyqtardy därıpteude, dıni qūlşylyqtardy şariǧat talabyna sai atqaru ısınde, dıni räsımderdı bırızdılıkpen ötkızude dın qyzmetkerlerınıŋ rölı men jauapkerşılıgı asa zor dep bılemız. Osy rette tömendegıdei ūsynystardy qoldauǧa ündeimız:
Bırınşıden, ata-babalarymyzdan kele jatqan dıni jäne ūlttyq qūndylyqtardy el arasynda belsendı türde nasihattauǧa.
Ekınşıden, Qazaqstan mūsylmandary dıni basqarmasyna qarasty barlyq meşıtterde bes uaqyt namaz, ekı ait, qasiettı jūma jäne tarauyq namazy syndy qūlşylyqtardy bırızdılıkpen ötkızuge, jamaǧat arasynda tüsınıspeuşılıkke jol bermeuge jäne babalar salǧan dıni mekteptı damytuǧa.
Üşınşıden, bes paryzdyŋ bırı qajylyq qūlşylyǧyn ötep kelgen otandastarymyzdy qoǧamda körkem mınezımen, önegelı ısterımen ülgı körsetuge jäne qajy degen qūrmetke laiyqty boluǧa şaqyramyz”, delıngen ündeude.
Forumda Memleket basşysy Qasym-Jomart Kemelūlynyŋ qūttyqtau hatyn joldandy. Prezidentttıŋ qūttyqtau hatyn Qazaqstan Respublikasynyŋ Memlekettik keŋesşısı Erlan Qarin oqyp berdı.
”Qadırlı qauym! Ardaqty aǧaiyn! Barşaŋyzdy «İmam – ızgı qoǧam jarşysy» atty imamdardyŋ V respublikalyq forumynyŋ bastaluymen şyn jürekten qūttyqtaimyn!
İslam – ruhaniiatymyzdyŋ tıregı. Ata dınımız ızgılık pen adamgerşılıkke, janaşyrlyq pen jasampazdyqqa negızdelgen. Osyndai asyl qūndylyqtar qoǧamda tūraqtylyq pen tatulyqty nyǧaityp, elımızdı örkendetu ısınde airyqşa röl atqarady. Sondyqtan salt-dästürımızben tyǧyz sabaqtasqan dästürlı islamdy qadırleu öte maŋyzdy.
Adamzat örkenietı ǧylym men tehnologiianyŋ damuymen ǧana şektelmeidı. Ūlt sapasyn jaqsartamyz desek, ruhaniiat salasyna basa män beruımız kerek. Müftiiat el taǧdyryna airyqşa yqpal etetın osy jauapty jūmysqa belsene atsalysyp keledı. İmamdarymyz halyqtyŋ dıni sauatyn arttyruǧa, öskeleŋ ūrpaqqa önegelı tärbie beruge jäne ony jat aǧymdardyŋ äserınen qorǧauǧa öz ülesın qosuda.
Osy oraida Qazaqstan mūsylmandary dıni basqarmasyna jäne barşa dın qyzmetkerlerıne şynaiy rizaşylyǧymdy bıldıremın. Bügıngı basqosuda imamdardyŋ bedelın küşeituge, ata dınımızdıŋ qoǧamdaǧy rölıne qatysty maŋyzdy oi-pıkırler aitylady dep senemın.
Sızderge zor densaulyq, baq-bereke tıleimın! Forumnyŋ jūmysy tabysty bolsyn!”, delıngen Memleket basşysynyŋ qūttyqtau hatynda.
