Marat Sultanǵazıevtiń halyqpen kezekti kezdesýi 17 mamyr kúni Talǵar aýdanynyń Besaǵash aýyldyq okrýginde ótti. Óńir basshysy aldymen aýdannyń damýy úshin jasalyp jatqan jumystardy, turǵyndardan kelip túsken usynystar boıynsha osy ýaqytqa deıin atqarylǵan isterdi tolyqtaı aıtyp ótti. Kezdesýge úsh júzden astam astam adamdar men turǵyndar jınaldy. Aýdan turǵyndarymen kezdesken oblys ákimi negizgi mindetterdiń biri – halyqty baspanamen qamtý ekenin eske saldy. Kezdesý barysynda oblys ákimi turǵyndarǵa belsendi azamattyq ustanymy úshin alǵysyn bildirdi.
«Ótken jyly aýdanda áleýmettik osal jáne kópbalaly otbasylarǵa turǵyn úı berilmedi, bıyl da josparda joq», – dedi halyqtyń máselesin kótergen oblys ákimi.
Alaıda, Almaty oblysynyń ákimi Marat Sultanǵazıevtiń sózine súıensek, bıylǵy jyldyń sońynda Talǵar qalasynan 216 páterge arnalǵan 3 kredıttik úı qoldanysqa beriledi. Sonymen qatar, aımaq basshysy munda 9 myńnan astam azamattardyń turǵyn úı kezeginde turǵanyn aıtyp, bul halyqtyń ishki kóshi-qonynyń ósý kórsetkishteriniń biri ekenin alǵa tartty.
«Bul máselege erekshe nazar aýdarý kerek, óıtkeni halyqtyń turǵyn úı usynys sanynan asyp ketýi aýdan turǵyndarynyń áleýmettik ál-aýqatyna áser etýi múmkin», – dedi oblys basshysy Marat Sultanǵazıev.
Atalǵan máselelerge baılanysty óńir basshysy aýdan ákimine turǵyn úı qurylysynyń kólemin ulǵaıtýdy jáne jeke turǵyn úı qurylysyna qajetti ınjenerlik ınfraqurylymy bar daıyn alańdardy qamtamasyz etýdi tapsyrdy. Al jumyspen qamtý máselesine kelsek, byltyr oblysta 37,2 myń jumys orny ashylǵan.
