Qazaq hany Táýkeniń Syǵanaqqa jazǵan jarlyǵy jáne Jańaqorǵannan, Túrkistannan jınap alynǵan jáne Qazaq Ǵylym akademııasynyń ınstıtýtyna ótkizilgen kóne qujattar, qoljazbalar qaıda? Belgili ǵalymdar E. V. Erofeeva, V. N. Nastıch eńbekterin oqysańyz, osyndaı suraqqa tap bolasyz. Belgili folklortanýshy M. K. Baıdildaev 1976 jyly Jańaqorǵan eldi mekeniniń baıyrǵy turǵyndarynyń birinen 17-19 ǵǵ. jatatyn otyz qujat alyp Sh. Sh. Ýálıhanov atyndaǵy tarıh, arheologııa jáne etnografııa ınstıtýtyna tapsyrǵan eken.
Solardyń ishinde bizge jetken ataqty qazaq hany Táýke jarlyǵy bar eken. J. E. Erjanovtyń kitabynda Keńes Odaǵy ǵylym akademııasynyń Arheologııa ınstıtýtynan Syǵanaqtyń kóne qoljazbalaryn suraǵan hat kóshirmesi keltiriledi. Úlken ǵalymdar memlekettik mekemede kózben kórip keıin tappaı qalǵan, Qazaq tarıhy, Syǵanaq tarıhy úshin asa mańyzdy qujattar qaıda??? Keńes Odaǵy Ǵylym akademııasy Arheologııa ınstıtýty blankine jazylǵan hat ne nátıje berdi? Qoljazbalar qaıda?
Otyrarda qazba kezinde tabylǵan 14 ǵas betteri jabysyp qalǵan qoljazba sol kezde Lenıngradtaǵy krımınalıstıka ınstıtýtyna jiberilgen dep estigenbiz. Lenıngradttan, qazirgi S. Peterbýrg qalasynan qaıtty ma otyrarlyq qoljazba? Osylardyń barlyǵy Qazaqstannyń baılyǵy emespe? Olardy izdeýshiler qaıda?
