Aljırde 82 jastaǵy prezıdent Ábdelazız Býteflıktiń besinshi ret el prezıdenttigine saılaýǵa túsýi tutas Aljır halqynyń bas kóterýine sebepshi boldy.
Eldiń barlyq qalalarynda halyqtyń dúmpýi birneshe aptadan beri toqtamaı jatyr. Dál qazirgi ýaqytta eldiń premer mınıstriniń oryny burynǵy ishki ister mınıstriniń orynymen aýystyryldy. Ábdelazız Býteflık halyqtyń tolqýynan seskenip, qazirgi ýaqytta prezıdenttik kandıdatýrasyn alyp, ókimette birshama oryn aýystyrýlar men ózgerister jasady.
Qarap otyrsańyz bizdegi formýlany kórsetedi. Sońǵy ýaqytta memlekettiń astanasynda 10 myńnan asa adam kóteriliske shyǵyp, olardy taratýǵa polıııa men áskerdiń kúshi jetpeı jatyr. Prezıdent halyqqa qarata kelesi jyly kezekten tys prezıdent saılaýy bolatynyn málimdedi.
Memlekettiń bilim jáne ǵylymı zertteý mınıstrligi mektepterdegi oqýshylar men joǵary oqý oryndaryndaǵy stýdentterdi kóktemgi demalysqa jiberýge májbúr boldy. Qazir oqý oryndary bos qańyrap tur. Aljrde 1,7 mıllıon stýdent bar, onyń 630 myńy jataqhanalarda turady. Býteflık 1999 jyldan beri eldi basqaryp keledi. 2013 jyly ol aýyr ınsýltten aman qalyp, arbaǵa jegilgen bolatyn. Sonda da prezıdent taǵynda otyryp, el basqaryp keledi. Biraq ol ınsýlt alǵannan keıin halyqpen dıalog ornatýdy tym sıretip jibergen.
Bekbolat Qarjan
"Adyrna" ulttyq portaly
