التىنشاشتىڭ ساحنادا جۇرگەنىنە بيىل 10 جىل تولدى. وسىعان وراي بەيبىتشىلىك جانە كەلىسىم سارايىندا ونەر جۇلدىزدارىنىڭ قاتىسۋىمەن «سامعا العا» اتتى موتيۆاتسيالىق، شىعارماشىلىق كونتسەرتى ءوتتى.
ۇلكەن ساحنادا جەكە شىعارماشىلىق كەشىن بەرۋ ءاربىر ونەر ادامىنىڭ ارمانى. سول سەكىلدى مەن دە بالا كەزدەن ارمانداپ كەلدىم. مەن سەكىلدى ەرەكشە جاننىڭ موتيۆاتسيالىق ءان كەشىن بەرۋى قازاقستاندا بۇرىن سوڭدى بولماعان. وسىدان كەيىن دە قولداۋلار، قانداي دا ءبىرۇسىنىستار بولسا ارى قاراي حالىققا موتيۆاتسيا بەرۋگە دايىنمىن، - دەيدى ءانشى.
شىعارماشىلىق كەشكە قر پرەزيدەنتى، قر ۇكىمەتى، مادەنيەت جانە سپورت مينيستىرلىگى جانە استانا قالاسى اكىمدىگىنىڭ اتىنان ىقىلاس گۇلى تابىستالدى. سونىمەن قاتار، مينيسترلەر مەن التىنشاشتىڭ ءانىن وڭدەگەن رينات گايسين سىندى تانىمال كومپوزيتورلار قولداۋ ءبىلدىرىپ، ءان كەشتىڭ كورەرمەنى بولدى.
التىنشاش ەڭبەكتىڭ ادامى. سوچي قالاسىندا وتكەن ءان بايقاۋىنان گران پري يەلەنسە، جانشۋاق بايقاۋىندا “امانات” پرەمياسىن ۇتىپ الدى. بۇدان بولەك حالىقارالىق بايقاۋلاردا لاۋرەات اتانىپ جۇرگەن جىگەرلى، رۋحتى، باتىر قىز،- دەدى پرەمەر-مينيستر ورىنباسارى التاي سەيدىرۇلى كولگىنوۆ.
سونىمەن قاتار، كەش قوناقتارى قانات-سۆەتلانا ايتباەۆتار، التىناي جوراباەۆا، اۋكا، ارداق بالاجانوۆا، مەيىرعات امانگەلدين، زارينا وماروۆا، “جاستار” تەاترى قولداۋ ءبىلدىردى.
اللادان ءۇمىتى ۇلكەن ادام. باسىنا قانشا سىناق تۇسسە دە ەش مويمايتىندىعى ەرەكشە تاڭ قالدىرادى. ادەمىلىكتى جاقسى كورەتىندىگى، ساحنالىق وبرازدارى، سىرت كەلبەتىنە كۇتىممەن قاراۋى - كوپ ارۋلارعا ۇلگى، - دەيدى ءانشى ارىپتەسى التىناي جوراباەۆا.
قازاق ارقاشان جاقسىلىققا قۇمار ىزگى نيەتتى حالىق. سوندىقتان قولداۋدى قاجەت ەتەتىن جاندارعا مەملەكەت جانە حالىق تاراپىنان جاقسىلىقتىڭ اۋىلىنا قادام جاسالا بەرسە ەكەن دەگەن تىلەگىم بار،- دەيدى قانات ايتباەۆ.
باس كەزىندە مۇمكىندىگى شەكتەۋلى جاندار دەسە، باسقاشا كوزبەن، اياۋشىلىق سەزىممەن قارايتىنبىز. قازىر قوعام ۇيرەندى، قابىلدادى. كەرىسىنشە ەرەكشە جاندار تارتىنباۋ كەرەك. مىسالى التىنشاش شەتتەتىلىپ قالاتىن جاندار قاتارىنان ەمەس. كەرىسىنشە ءبىزدىڭ ارىپتەسىمىز، دوسىمىز، قارىنداسىمىزعا اينالدى. بىرگە ورىندايتىن ءانىمىز دە “وكىنبە سەن” دەپ اتالادى. وسى ءان ارقىلى دا ادامعا موتيۆاتسيا بەرەدى. ءاردايىم جان-جاعىنداعىلارعا جىگەرلى بولۋدى ۇيرەتىپ جۇرەدى،- دەيدى مەيىرعات امانگەلدين.
التىنشاشتىڭ بۇگىنگە دەيىن 20-عا جۋىق اۆتورلىق ءانى بار. العا قويعان ماقساتتارى دا بيىك. الداعى جوسپارلارىنىڭ ءبىرى ۇلكەن ساحناداعى كونتسەرتتەردە ونەر كورسەتۋ. ونەر دەيتىن كەرۋەننىڭ كوشىنە ءوزىنىڭ ەرەكشە قابىلەت، تالانتىمەن كەلىپ قوسىلعان قايسار جاننىڭ تىڭدارماندارى كوپ بولسىن دەيمىز!
ايىم ابدراشيت
