Ashylý rásimi 1 maýsymǵa josparlanǵan.
Skeıt-alańnyń ramp, rail, bank, quarter pipe jáne basqa da qurylystary ornatylyp, skeıt tebýshilerdi qabyldaýǵa daıyn. Bul Qonaev qalasyndaǵy qurylysy aıaqtalýǵa jaqyn jańa skeıt alańnyń elementteri.
Qurylysshylarǵa abattandyrý, kógaldandyrý jumystary ǵana qaldy. Jergilikti turǵyndar ashylýdy taǵatsyzdana kútýde – sebebi, beıresmı statıstıka boıynsha, qaladaǵy 1000-nan astam jasóspirim ekstremaldy BMX, bort jáne skeıt tebýmen aınalysqandy jaqsy kóredi.
Bul jerdegi eski alań óte shaǵyn boldy jáne qazirgi jańa alańdaǵydaı trıýkterdi oryndaý úshin qajetti 10 negizgi qurylym týraly oılaý múmkin emes bolyp kórindi. Jalpy aýdany 9400 m2 jerde skeıt alańy (2000 m2), balalar alańy (400 m2), vorkaýt (jattyǵý alańy) (200 m2), fotoaımaq, sonymen qatar demalýǵa bolatyn aımaq bar. Qoldanylatyn materıaldar erekshe nazar aýdarýǵa laıyq - joǵary sapaly, antıvandaldyq, temperatýranyń shekten tys jáne tabıǵattyń kez-kelgen jaǵdaıyna tózimdi.
Almaty oblysynyń ákimi Marat Sultanǵazıev nysandy aralaý barysynda onyń biregeıligin atap ótti: «Bul jerde biz halyqaralyq týrnırler men jarystar ótkizip, sol arqyly jergilikti sportty damytyp qana qoımaı, qalaǵa kásibı mamandardy tartamyz. Al nysandy ýaqytynda tapsyryp úlgerý úshin jumysshylardy kóbirek tartý kerek».
Sonymen qatar, saıabaqta aýqymdy qaıta qurý jumystary júrgizilýde: abattandyrýdan, balalar jáne oıyn alańdaryn, onyń ishinde fýtbol alańyn jabdyqtaýdan basqa, aýdany 150 m2 muz arenasyn salý josparlanýda. Ol jabyq bolady jáne jyl boıy jumys isteı alady, qysta konkımen syrǵanaý áýesqoılaryn qabyldaıdy, al jazda ol rolıkti-alań retinde paıdalanylady. Jaǵalaýǵa jaqyn jerde jańa sholý dóńgelegin ornatý josparlanýda.
