Türkıstan oblysy Jetısai audandyq soty Şardara audany Qosseiıt auylynda äkesın ūryp-soǧyp, azaptaǧan 41 jastaǧy Almas Sadaqbaevty 5 jylǧa bas bostandyǧynan aiyrdy, dep habarlaidy "Adyrna".
Sot ony «Qinau» jäne «Densaulyqqa qasaqana ortaşa auyrlyqtaǧy ziian keltıru» baptarymen kınälı dep tanydy.
Almas Sadaqbaevqa 70 jastaǧy mügedek äkesın tırı kezınde bırneşe ret ūryp-soǧyp, qinady degen aiyp taǧylǧan. Ol ötken jyldyŋ tamyz aiynda mügedek äkesın kemınde üş ret soqqyǧa jyqqan.
Tergeu deregınşe, qart äkesınıŋ däretke özdıgınen şyǧa almaitynyna aşulanyp, oǧan küş qoldanǧan.
"Sottaluşy 2020 jyldan berı densaulyǧy naşarlap, qozǧaluynda qiyndyqtary bolǧan 70 jastaǧy äkesın jüielı türde ūryp-soqqan. Saldarynan jäbırlenuşı fizikalyq jäne psihikalyq azap şegıp, densaulyǧyna ortaşa auyrlyqtaǧy ziian keltırılgen. Sot jaza taǧaiyndau kezınde jeŋıldetetın män-jailardy: būryn sottalmaǧany, kınäsın moiyndauy jäne ökınış bıldıruı, kämeletke tolmaǧan balalarynyŋ boluyn eskerdı. Auyrlatatyn män-jailar anyqtalmaǧan. Sot ükımımen S.-ǧa tüpkılıktı jaza retınde 5 jyl merzımge bas bostandyǧynan aiyru jazasy taǧaiyndaldy", - dep habarlady Türkıstan oblystyq sotynyŋ baspasöz qyzmetı.
Sottaluşynyŋ kınäsı özınıŋ tüsınıktemelerımen, kuälardyŋ aiǧaqtarymen, audio-beine materialdarmen, sondai-aq sot-medisinalyq saraptamalardyŋ qorytyndylarymen tolyq däleldendı.
Ükım zaŋdy küşıne engen joq.
