Qaraǵandy oblysynda "Jasyl el" jastar eńbek jasaqtary jaýyngerleriniń jalaqysy artty. Olar 70-ten 105 myń teńgege deıin alady, dep habarlaıdy Qaraǵandy oblysynyń ákimdigi.
Óńirde "Jasyl el" jastar eńbek jasaqtarynyń 19-maýsymyna qatysý úshin qujattardy qabyldaý aıaqtaldy. 15 naýryzdan 15 sáýirge deıin úsh myńnan astam ótinish tústi.
– Bul joba – 14 jastan bastap barlyq áleýmettik aýdarymdarmen jumysqa ornalasýǵa múmkindik beretin jalǵyz qural, - dep atap ótti jastar saıasaty máseleleri basqarmasynyń basshysy Raýan Taran. – Bıylǵy jyly biz jumyspen qamtylǵandar sanyn ótken jylmen salystyrǵanda shamamen 70%-ǵa arttyrdyq. Eń kóp jaýyngerlerdi Qaraǵandy, Temirtaý, Balqash jáne Buqar Jyraý aýdandarynda qamtamasyz etý josparlanýda. Atalmysh joba jastarǵa qarjy tabý kózi ǵana emes, sonymen qatar ózara qarym-qatynas qurý, áleýmettený, baılanys ornatýdy úıretedi.
"Jasyl el" qataryna qabyldaý basymdyǵy halyqtyń áleýmettik osal toptarynyń balalaryna berildi. Jańa maýsymda qatysýshylardyń 40 %-ǵa jýyǵy – kóp balaly, tolyq emes, az qamtylǵan otbasylar men "qandastar" sanatyndaǵy jasóspirimder jáne jetim balalar, sondaı-aq ata-anasynyń qamqorlyǵynsyz qalǵan balalar.
Baǵdarlamaǵa qatysýshylardyń jalaqysy da jyl saıyn artyp keledi. Bıyl 14 jastan 16 jasqa deıingi jaýyngerler 70 myń teńge alady (kúnine 4 saǵat jumys isteıdi), 16 jastan bastap – 105 myń teńge (kúnine 6 saǵat). Olar aımaqty kógaldandyrýǵa, aramshópterdi julýǵa, gúlderdi sýarýǵa, saıabaqtar men gúlzarlardy qoqystardan tazartýǵa qatysady.
Bıyl "Jasyl el" jaýyngerleriniń barlyǵy jańa biryńǵaı arnaıy kıimmen qamtamasyz etiledi.
– Baǵdarlama tanymal, – dep atap ótti Qaraǵandy oblysynyń ákimi Ermaǵanbet Bólekpaev. – Biz ótinish bergenderdiń barlyǵyn jumyspen qamtamasyz etýimiz kerek. Bul jastar úshin jaqsy tájirıbe. Barlyq uıymdastyrýshylyq máselelerdi oılastyryp, olardy baqylaýda ustaý qajet.
Sondaı-aq, osy jyldan bastap óńirde pılottyq rejımde Jasyl el Qaragandy avtomattandyrylǵan ıfrlyq aqparattyq júıesi engiziledi. Bul jastardyń "Jasyl el" JEJ-ǵa qatysý úderisterin edáýir jeńildetýge múmkindik beredi.
