Qaraǧandy oblysy «Taza Qazaqstan» aksiiasy aiasynda ötken jalpyūlttyq senbılıkke belsendı türde qatysty.
Ekologiialyq şaraǧa öŋırdıŋ şamamen 30 myŋ tūrǧyny qatysyp, 70 gektar aumaq tazartyldy. Būl künı 10 myŋ tüp aǧaş egıldı. Jalpy, oblysta keŋ auqymdy kögaldandyru jūmystary tūraqty türde jalǧasuda.
Oblys äkımı Ermaǧanbet Bölekpaev Qaraǧandy qalasyndaǧy N. Nazarbaev daŋǧyly boiyndaǧy gülzarda ötken aǧaş egu jūmystaryna qatysty.
Būl aumaqtaǧy jasyl jelek eskı bolǧandyqtan, ony jaŋartu turaly şeşım qabyldanǧan. Jol boiyna qaraǧaş, al gülzar ışıne qaraǧai köşetterı egılude.
– Bügın Memleket basşysynyŋ tapsyrmasyna säikes elımızdıŋ barlyq aimaǧynda jalpyūlttyq senbılık ötude. Būl jūmysty jüielı ärı josparly türde jalǧastyramyz. Osy aksiiaǧa belsene atsalysqan barlyq tūrǧyndarǧa alǧysymdy bıldıremın, – dedı Ermaǧanbet Bölekpaev.
Nazarbaev daŋǧylyndaǧy güzarǧa otandyq tūqymbaqtan äkelıngen 50 tüp qaraǧai köşetı egıldı. Olar byltyr egılgen jasyl jelektı tolyqtyrdy.
Jastar resurstyq ortalyǧynyŋ volontiorlerı Ädıljan Süiınükov pen Janserık Jūmanov ekologiialyq aksiialarǧa ünemı qatysyp keledı.
– Bügın bız senbılıkke komanda bolyp keldık. Osy gülzarda kezınde bızdıŋ ata-äjelerımız aǧaş ekken edı, endı sol igı ıstı jalǧastyru – bızdıŋ paryzymyz, – deidı erıktıler. – Qaraǧandynyŋ ärdaiym jasyl qala bolyp qalǧanyn qalaimyz.
Bügıngı senbılık aiasynda Qaraǧandy qalasynda şamamen 500 tüp aǧaş egıldı. Qalada kögaldandyru jūmystary tūraqty türde jürgızılude. Onyŋ ışınde ötemdık (kompensasiialyq) aǧaş egu şaralary da bar.
Käsıpkerler de bastama köterıp, özderıne qarasty nysandardyŋ maŋaiyna aǧaş egıp jatyr.
Qazybek bi audanynda köktem mezgılınde 1260 aǧaş egılse, küzde olardyŋ qataryna taǧy 4 myŋnan astam tüp qosylady. Älihan Bökeihan audanynda da kögaldandyru jūmystary jalǧasuda.
Biyl Qaraǧandyda jaŋa alma baǧynyŋ ırgetasy qalandy. Qazırdıŋ özınde 3 500 tüp jabaiy jäne jemıs beretın alma aǧaşy egıldı, al juyq arada olardyŋ sany 5 000 tüpke deiın jetpek.
Sonymen qatar saiabaqtar men demalys aimaqtaryn abattandyru jäne kögaldandyru jūmystary da qatar jürgızılıp jatyr. 15-magistral boiyna şamamen 600 tüp qaraǧaş egıldı, al jaqyn arada olardyŋ sany 2 myŋǧa jetedı.
Ötemdık aǧaştardyŋ kütımı üş jyl boiy merdıger ūiymdardyŋ baqylauynda bolady. Olar köşetterdıŋ jersınuı men ösu jaǧdaiyn tūraqty qadaǧalaidy. Al alma baǧy men gülzarlardaǧy jäne magistral boiyndaǧy jaŋa jasyl jelektıŋ kütımın saiabaqtar basqarmasy jüzege asyrady.
Akademik A. S. Saginov atyndaǧy Qaraǧandy tehnikalyq universitetınıŋ aumaǧyn endı 100 tüp japyraqty aǧaş – qaiyŋ, şeten jäne alma aǧaştary körıktendıredı. Demeuşılerdıŋ qoldauymen mūnda jaŋa jasyl alleia boi köterdı.
Home Credit Bank filialynyŋ şaǧyn jäne orta biznestı damytu jönındegı direktorynyŋ orynbasary Samǧat Aitjannyŋ aituynşa, Qaraǧandyda ekologiialyq mäselelerge airyqşa nazar audaru qajet. Sondyqtan qarjy ūiymy qalany kögaldandyru ısıne öz ülesın qosuǧa şeşım qabyldaǧan.
