Premer-mınıstr Álıhan Smaıylov Asan Darbaevqa úılestirý jumystaryn jetkiliksiz júrgizgeni úshin sógis jarııalady, dep habarlaıdy "Adyrna" portaly.
Memleket basshysynyń saılaýaldy baǵdarlamasyn iske asyrý jónindegi respýblıkalyq shtab otyrysynda Premer-Mınıstr Álıhan Smaıylov Tabıǵı monopolııalardy retteý komıtetiniń tóraǵasyna sógis jarııalady, sondaı-aq Ulttyq ekoknomıka mınıstrliginiń basshysy Álibek Qýantırovqa aýyzsha eskertý jasady. Bul týraly bılik baspasózi baınadady.
«Biz Prezıdent pen turǵyndar tarapynan kórsetiletin qyzmetterdiń sapasyna qatysty turaqty túrde ádil syn estıtinimizdi bilesizder. Aldaǵy jylytý maýsymynda ótken qysta bolǵan tótenshe jaǵdaıǵa jol bere almaımyz. Suranys qatań bolady, dedi Álıhan Smaıylov.
Premer-mınıstr salanyń problemalaryn eskere otyryp, Prezıdent elimizdiń búkil tynys-tirshiligin qamtamasyz etý júıesin jańǵyrtýǵa jáne kúrdeli jóndeýge baǵyttalǵan «Investıııaǵa aıyrbas tarıf» baǵdarlamasyn júzege asyrýdy tapsyrǵanyn atap ótti. Degenmen, ol kommýnaldyq qyzmetterdiń tarıfti rettep, jańǵyrtý jumystaryn bastaý úshin qajetti qujattama baıaý daıyndalyp jatqanyn aıtty.
"Adyrna" ulttyq portaly
