Qytaı Halyq Respýlıkasynyń ókilderi etnıkalyq qazaq Saıragúl Saýytbaıdy qaıtarý úshin resmı suranys jibergen emes. Bul týraly Bas prokýratýra Tengrinews.kz resmı saýalyna bergen jaýabynda aıtylady.
"Qytaı Halyq Respýblıkasynyń quzyrly organdary Saýytbaıdy berý týraly Qazaqstan Respýblıkasynyń Bas prokýratýrasyna resmı túrde qaıtarý suranysyn jibergen emes", - dedi QR BP ókilderi.
Vedomstvonyń málimetinshe, 2018 jyldyń 25 shildesinen bastap Saıragúl Saýytbaı Qazaqstan aýmaǵynda saıası baspana izdeýshi adam mártebesine ıe. 4 qazanda Almaty oblystyq polıııa departamentiniń kóshi-qon qyzmeti komıssııasy bosqyn mártebesin berýden bas tartty. Áıel sheshimge shaǵymdanyp, sotqa júgindi. Is Taldyqorǵan sotynyń óndirisinde.
"Saýytbaı ótinishti qanaǵattandyrýdan bas tartqan jaǵdaıda sheshim shyǵarylǵan kúnnen bastap bir aı ishinde azamattyq is júrgizý kodeksiniń 403 jáne 404-baptarynda kózdelgen tártippen apellıaııalyq shaǵym berýge quqyly. Apellıaııalyq satydaǵy sottyń qaýlysyna kúshine engen kúnnen bastap (jarııa etilgen kúnnen bastap) alty aı ishinde AIJK-niń 441-babynyń talaptary saqtala otyryp, Joǵarǵy sotqa shaǵym jasalýy múmkin. "Bosqyndar týraly" Zańnyń 8-baby 1-bóligi 6-tarmaǵyna sáıkes pana izdegen adamnyń bosqyn mártebesin berý týraly ótinishhat boıynsha sheshim qabyldanǵanǵa deıin, shaǵymdaný merzimin qosa alǵanda, Qazaqstan Respýblıkasynda bolýǵa quqyǵy bar. Sońǵy sheshim qabyldanǵanǵa deıin Saıragúl Saýytbaı Qazaqstan Respýblıkasynyń aýmaǵynda pana izdegen adam mártebesinde bolýǵa quqyly", - dedi Bas prokýratýra ókilderi.
Saýytbaı 2018 jyldyń mamyr aıynyń ortasynda otbasymen kórisý úshin Qytaı shekarasynan ótti. Buryn onyń kúıeýi men eki balasy Qazaqstanǵa qonys aýdaryp, osy eldiń azamattyǵyn alǵan. Alaıda, áıel otbasyna qosyla almady. Onyń aıtýynsha, Qytaıda ol bıýdjettik uıymda jumys istegen, sondyqtan Qytaı bıligi onyń týystarymen birigýine kedergi jasady. 2018 jyly 1 tamyzda Jarkent qalasynda Qytaıdan kelgen etnıkalyq qazaq Saıragúl Saýytbaı isi boıynsha sheshim qabyldandy.
Ol Qazaqstannyń memlekettik shekarasyn zańsyz kesip ótkenine kináli dep tanylǵan edi. Saıragúl Saýytbaı alty aıǵa shartty túrde bas bostandyǵynan aıyryldy. Sot oǵan Qazaqstannan shyǵaryp jiberý túrindegi jaza taǵaıyndamaýdy sheshti. Saıragúl Saýytbaıdy sot zalynan bosatty.
