Májilis depýtaty Edil Jańbyrshın Qazaqstanda sý máselesine jaýapty jańa mınıstrlik qurý týraly bastama kóterdi, dep habarlaıdy “Adyrna” ulttyq portaly.
Depýtattyń aıtýynsha, elimizde sý máselesimen aınalysatyn organ kóp. Iaǵnı sý salasynyń baǵyttaryn basqarý men retteý 3 mınıstrlikke bólinip berilgen. Osynyń saldaryna atalmysh salanyń potenıaly áli durys ashylmaı otyr.
«Sý bizde úlken - resýrs. Sýsyz halyqtyń ál-aýqatyn kóterý múmkin emes. Sondyqtan bir mınıstrlik quryp osy máselelerbdiń bárimen júıeli túrde aınalysýy kerek. Tipti transshekaralyq sý resýrstarymen Syrtqy ister mınıstrligi de aınalysyp ketedi. Baqtashy kóp, nátıjesi mardymsyz. Kórshi memleketterdi alyp qarasaq, olarda sý sharýashylyǵymen tıisti mınıstrlik nemese agenttik aınalysyp otyr. Bul máseleniń ózekti ekenin Májilis tóraǵasy Erlan Qoshanov atap ótti. Sondyqtan sý salasyna jaýapty jáne Qazaqstan atynan halyqaralyq deńgeıde kelissózder júrgizetin tıisti mınıstrlik qurýdyń ýaqyty kelgen sııaqty", - deıdi depýtat.
Sondaı-aq ol aýyz sý máselesine qatysty tujyrymdama ýaqytyn uzartý kerek ekenin aıtady.
«Osyǵan baılanysty Ekologııa mınıstrliginde daıyndalyp jatqan sý tujyrymdamasynyń gorızontyn 2025 jylǵa deıin emes, 2030 jylǵa deıin uzartý kerek. Bul qujatty daıyndaýǵa, talqylaýǵa arnaıy ǵylymı zertteý ınstıtýttary men mamandardy keńinen tartqan jón», - dedi Edil Jańbyrshın Májiliste ótip jatqan Parlamanttik tyńdaýda.
”Adyrna” ulttyq portaly
