Resei äskerı 7 nauryzǧa qaraǧan tünı Ukraina aumaǧyna jappai soqqy jasady, dep habarlaidy "Adyrna" ūlttyq portaly DW saityna sıltep.
Sonyŋ saldarynan Harkov qalasynda kemınde 11 adam qaza tapty, olardyŋ ışınde ekı bala bar.
Ukrainanyŋ tötenşe jaǧdailar qyzmetınıŋ mälımetınşe, ballistikalyq zymyran Harkovtıŋ Kiev audanyndaǧy bes qabatty tūrǧyn üige tüsken. Qaza tapqandardyŋ denesın qūtqaruşylar üiındı astynan alyp şyqqan. Qazırgı uaqytta şamamen 300 şarşy metr aumaqta ızdestıru-qūtqaru jūmystary jürgızılıp jatyr. Aldyn ala derek boiynşa 10 adam jaralanǧan, olardyŋ ışınde balalar da bar.
Harkov oblysyndaǧy Chuguev qalasynda da dron şabuyly tırkelgen. Qala äkımı Galina Minaevanyŋ aituynşa, ūşqyşsyz apparat jeke tūrǧyn üige tüsken. Aldyn ala mälımet boiynşa, ekı tūrǧyn jaraqat alǧan.
Sonymen qatar Dnepropetrovsk oblysynda jasalǧan şabuyldar saldarynan bır adam qaza tauyp, bır äiel jaralanǧan. Aimaq bilıgınıŋ deregıne säikes, oblystyŋ üş audanyna drondar men artilleriia arqyly şamamen 20 soqqy jasalǧan.
Al Zaporoje qalasynda tüngı şabuyl kezınde näreste jaraqat alǧan. Oblys basşysy İvan Fedorov bır täulıkte öŋırdıŋ 41 eldı mekenıne 760 soqqy jasalǧanyn mälımdedı.
Ukraina prezidentı Vladimir Zelenskii qūtqaru qyzmetterı zardap şekken aimaqtarda jūmysyn jalǧastyryp jatqanyn mälımdedı.
