Jýrnalıst, kásipker, áýesqoı marafonshy, alpınıst Erenǵaıyp Qýataıuly ózińiń Facebook paraqshasynda 1 mamyr kúni quqyq qorǵaý organdary tarapynan kórgen "teperishi" jaıly jazdy. Avtordyń aıtýynsha, beti-basy tumshalanǵan bes jigit ony sebepsiz ustap áketken, dep habarlaıdy "Adyrna" ulttyq portaly.
Jýrnalıst, áýesqoı sportshy Erenǵaıyp Qýataıuly bolǵan jaıdy bylaı túsindiredi:
- Birinshi mamyr. Birlik kúni. Astana. Kenesary han eskertkishi. Saǵat 13:45. Tanysymdy kútip oryndyqta otyrǵanmyn. Biz osy jerde 13:30-da kezdesetin bolǵanbyz. “Brat, munda otyrýǵa bolmaıdy!” degen daýysqa jalt qarap, “nege otyrýǵa bolmaıdy?” degenimshe bet aýzy tumshalanǵan bes jigit qoısha julqylap kólikke bir-aq tyqty. Saryarqa aýdandyq ishki ister basqarmasyna alyp keldi.
Saýsaq izderin aldy. Fotoǵa túsirdi. Suraq-jaýap aldy. Kenesary han eskertkishine neshede ne maqsatpen kelgenimdi surady. Tańerteń Almatydan ushyp kelgenimdi, Qaraǵandyǵa bara jatqanymdy, 2 mamyr kúni Qaraǵandy-Túrkistan ýltra marafonyna qatysatynymdy, jolaı astanalyq tanysyma jolyǵyp ketý úshin osy jerge kelgenimdi aıttym.
“Siz áleýmettik jeliden Muhtar Ábilázovtiń saıası úndeýlerin tyńdaısyz ba?” degen suraq qoıylǵanda meni munda ne úshin alyp kelgenderin túsindim, - deıdi jýrnalıst.
Avtor keıinnen ózin joldan qaldyrǵan Astana polıeıleriniń áreketin aıtyptap, josparynyń buzylǵany jaıly aıtady.
- Zańsyz, esh sebepsiz ishki ister basqarmasynda meni tórt saǵat qyryq mınýt ustady. Bir marafon jáne bir jarty marafon júgirip tastaıtyn qaıran ýaqytym rásýa boldy! Bárinen kezdesýim kerek adamnan qatty uıalyp otyrmyn! Qurmetti dos, Siz meniń osy jazbamdy oqyp otyrsańyz, sizden keshirim suraımyn!..
Qaraǵandyǵa endi ǵana jettim. Tanerteń erte ýltra marafonnyń alǵashqa 21 km estafetasyn bastap júgiremin!Jańa Qazaqstanǵa bir suraq: Sizder qandaı Qazaqstan quryp jatyrsyzdar?
Astana qalalyq (QR Ishki ister mınıstrligi / Mınısterstvo vnýtrennıh del RK) ishki ister departamenti, meni ne úshin bes saǵatqa jýyq ustadyńyzdar? Jaýap kútemin! - dedi avtor.
Áýesqoı jelaıaqtyń "jazyqsyz jazbasyna" QR Májilis depýtattary Janarbek Áshimjan men Ermurat Bápı pikir bildirdi.
- Erenǵaıyp Qýataıuly - talantty jýrnalıst, syılas áriptes, dos, áýesqoı alpınıst, kásibı marafonshy. Birge qyzmet ettik. Qazaqstannyń aqparat keńistiginiń damýyna óziniń úlesin qosqan azamat, búginde bızneste tabysty eńbek etýde. Qazaqstannyń ishki marafonyn bylaı qoıǵanda, AQSh-tyń áıgili Boston marafonynda, Eýropanyń bedeldi marafondarynda, jýyrda ǵana Japonııanyń Tokıo marafonynda álemnen jıylǵan myńdaǵan sportshynyń arasynda jankeshti óner kórsetip, joǵary nátıjege qol jetkizdi. 2020 jyly Tıan-Shandaǵy bıiktigi alty myń metrden asatyn Mármár qabyrǵa atty shyńdy baǵyndyrǵan.
Al keshegi polıeılerdiń kún jaryqta "jaý shaqyryp" júrgen qadamy óte uıat bolǵan eken…
"Shash al" dese, keıde bas alamyz… Eń jamany - osyndaı bassyzdyqtar arqyly bedeldi azamattardy qoǵamǵa qarsy qoıamyz jáne qoǵamda teris pikir týdyramyz… Óte uıatty jaǵdaı bolǵan eken. Marat Ahmetjanov basqaratyn tıisti memlekettik organ resmı jaýap berý kerek, - dedi Janarbek Áshimjan.
Jýrnalıst, depýtat Ermurat Bápı quqyq qorǵaý organdarynan keshirim suraýdy talap etip, "jazyqsyz jelaıaqqa" jaqtasty.
- QR Ishki ister mınıstrligi! Mınıstr Marat Ahmetjanov myrza! Erenǵaıyp Qýataıuly myrzaǵa shuǵyl jaýap berip, keshirim suraý qajet bolady, - dedi depýtat.
Oraıy kelgende aıta keteıik, sportshy Marat Jylanbaevty da polıııa qyzmetkerleri ustap áketti. Ol "polıııa bólimshesinde kóp ýaqyt bógelmeıtinin aıtqan" mamandarǵa sengenin aıtady. Osylaısha, sportshy Astana qalasy, Almaty aýdandyq polıııa bólimine jetkiziledi. 2023 jyldyń aqpanynda Jylanbaev depýtattyqqa usynyldy, biraq keıinirek sot ony "merziminen buryn úgit júrgizgeni úshin" aıyppul salynady.
Jýrnalıst Dýman Muhamedkárim de "beıbit jıyn ótkizý tártibin buzdy" degen aıyppen 25 táýlikke qamaldy.
"Adyrna" ulttyq portaly
