Bolat Turlyhanov Kýbogynyń 2-kúninde kimder jeńiske jetti?

4548
Adyrna.kz Telegram

Almaty qalasyndaǵy «Balýan Sholaq» atyndaǵy mádenıet jáne sport saraıynda kúres túrlerinen Bolat Turlyhanov Kýbogy ótip jatyr. Búgin, jarystyń 2-kúni grek-rım kúresiniń sheberleri 72, 77, 82 kg deıingi salmaqta, al áıelder 57, 62, 68, 76 kg deıingi salmaqta júldege talasty, dep habarlaıdy “Adyrna” ulttyq portaly.

Nazarlaryńyzǵa osy jekpe-jekterdiń nátıjesin usynamyz:

72 kg:

Altyn – Muhammed Reza GERAEI (IRAN)

Kúmis – Meıirjan ShERMAHAMBET (QAZAQSTAN)

Qola – Mahmýd BAHShILLOEV (ÓZBEKSTAN)

Jýyrda ǵana Ulan-Batyrda Azııa chempıony atanǵan Meıirjan Shermahambet Bolat Turlyhanov Kýbogynda 72 kelige deıingi salmaqta jankúıerlerin taǵy qýantty. 26 jastaǵy balýan 2-aınalymda Tokıo Olımpıadasynyń jeńimpazy, Álem jáne Azııa chempıony Muhammed Reza Geraeıdy utty. Ekeýi taǵy fınalda kezdesýi kerek edi. Alaıda qazaqstandyq sportshy jaraqatyna baılanysty kúrese alǵan joq.

Jalpy eki qurdas balýan osymen 4-ret bozkilemde kúsh synasty. Meıirjan osy jekpe-jektiń bárinde ırandyq qarsylasynan basym tústi. Aldyńǵy 3 kezdesý 2018 jyly bolǵan. Meıirjan áýeli Irandaǵy Tahtı Kýbogynda, sosyn Majarstandaǵy Gran-prıde jáne Býdapeshtegi Álem chempıonatynyń shırek fınalynda 9:0 esebimen aılasyn asyrǵan.

”Adyrna” ulttyq portaly

Pikirler