Qytaı azamattarynyń elge vızasyz kelýine baılanysty daýdan qorqýdyń qajeti joq. Bul týraly IIM Kóshi-qon komıteti qyzmetiniń erekshe tapsyrmalar jónindegi aǵa ınspektory Altynbek Masaqbaev Massaget.kz tilshisine eksklıýzıv suhbat berdi.
"Qazir Qazaqstan Respýblıkasyna 79 eldiń azamaty vızasyz kire alady. Onyń 57-i ekonomıkalyq damyǵan memleketter, Eýropa memleketteri, AQSh. Bul memleketter azamamattary 30 kúnge deıin elimizge vızasyz kire alady. Iran, Qytaı, Úndistan memleketteri 14 kúnge deıin vızalyq talaptardan bosatylǵan. Odan basqa, Eýrazııalyq ekonomıka odaq músheleri bar: Reseı, Belarýs, Armenııa, Qyrǵystan memleketteri. Olar ýaqytsha turýǵa ruqsat almaı-aq 90 kún júre alady. Qazir jyl basynan bastap elimizge 2 mıllıonnan asa shetel azamaty kirgen, 2 jarym mıllıon shetel azamaty elden shyqqan", - dedi ol.
Onyń aıtýynsha, shekara qyzmetkerleri IIM aqparattyq júıesine elge kirgen shetel azamattary týraly aqparat jiberedi.
"Shetel azamaty elge kirgen kúnnen bastap shekara qyzmetkerleri IIM aqparattyq júıesine kirgen jaıly málimetterdi jiberip otyrady. Odan basqa, qabyldaýshy tarap degen bar. Olar ózderine kirgen shetel azamataryn IIM aqparatyq júıesine habarlap otyrady. Ol - eQonaq portaly, Vızalyq-mıgraıondyq platformasy arqyly habarlamalar jiberip otyrady", - dedi ınspektor.
Altynbek Masaqbaev jyl basynan beri kóshi-qon zańnamasyn buzǵan 12 myń shetel azamaty tirkelgennin aıtty.
"Qabyldaýshy tarap - elimizdiń azamattary, jumys berýshi. Olar der kezinde habarlap tursa, onda zań buzylmaıdy. Jyl basynan beri kóshi-qon zańnamasyn buzǵan 12 myń shetel azamaty tirkeldi. Onyń kóbi - jaqyn shetel azamattary. Olar ýaqytynda habaralama bermegen, ýaqytsha tirkeýdi sozdyrmaǵan jáne jergilikti atqarýshy organdardan ruqsat almaı, jumys kúshin paıdalanǵan", - dedi ol.
Sondaı-aq, ol Qytaı azamattarynyń elge vızasyz kelýine baılanysty pikir bildirdi.
"Qytaı azamattarynyń elge vızasyz kelýine baılanysty daýdan qorqýdyń qajeti joq. Sebebi bári IIM baqylaýynda. Shekaradan ótken kúnnen bastap qabyldaýshy tarap ýaqytyly habarlama berip turady. Jyl basynan beri 12 myń zań buzǵan shetel azamattarynan QHR-diń 205-i ǵana bar. Ol - 1 paıyz. Kóbi - jumys sapary, mádenı is-sharalarǵa qatysýǵa keletin azamattar ", - dedi ol.
Altynbek Masaqbaev zań buzǵan shetel azamattaryna qatysty qandaı shara qoldanylatynyn aıtty.
"Zań buzǵan shetel azamattaryna 10 kúnge deıin IIM ákimshilik hattama toltyrylady. Birinshi 3 kúndeı eskertý beriledi, keıin aıyppul salynady. 10 jumys kúninen assa, ákimshilik sotqa joldanady. Onda 2 túrli sheshim bolady. 25 aılyq kórsetkish esebinde aıyppul nemese QR aýmaǵynan 5 jylǵa deıin shyǵarý, basqa zańbuzýshylyqtar anyqtalǵanda QR aýmaǵyna kirýge shekteý qoıylady", - dedi ol.
