Astanada er adam anasyna qatysty balaǵat sózder aıtyp, onyń ar-namysyn qorlaǵany úshin qamaýǵa alyndy. Bul týraly qalalyq polıııa departamenti aıtty, dep habarlaıdy «Adyrna» tilshisi.
«Elordanyń 81 jastaǵy turǵyny 55 jastaǵy ulynyń ústinen shaǵym túsirdi. Aıtýynsha, balasy úıde janjal shyǵaryp, ony qorlaǵan jáne kemsitken. Balaǵat sózder aıtý arqyly psıhologııalyq zorlyq-zombylyq kórsete bastaǵany anyqtaldy»,—dedi basqarma.
Bul derek boıynsha Saryarqa aýdany PB ýchaskelik ınspektory quqyq buzǵan er adamǵa qatysty QR Ákimshilik quqyqbuzýshylyq týraly kodeksiniń 73-baby 2-bóligi boıynsha ákimshilik hattama toltyrdy.
Ákimshilik quqyqbuzýshylyq jónindegi mamandandyrylǵan aýdanaralyq sottyń sheshimimen er adam 7 táýlik merzimge ákimshilik qamaýǵa alyndy.
Aıta keteıik, naýryz aıynan bastap, Ákimshilik quqyq buzýshylyq týraly kodekske balaǵat sózder aıtqany úshin jazany qataıtatyn túzetýler kúshine engen bolatyn.
Mundaı áreket úshin 20 AEK (69 myń teńge túrindegi jaza) aıyppul nemese 5-ten 15 táýlikke deıin qamaýǵa alady.
