26 säuır künı QR Mädeniet jäne sport vise-ministrı Särsen Abaiūly Qūranbek jūmys saparymen Qyzylorda oblysyna keldı.
Vise-ministr Ä.Täjıbaev atyndaǧy oblystyq ämbebap ǧylymi kıtaphanasynda tūrǧyndarmen kezdestı.
Jiyndy Qyzylorda oblysy äkımı apparatynyŋ basşysy Baimanov Şahmardan Asqarūly jürgızıp, öŋırdegı sport salasy jetıstıkterı men damu dinamikasyna qysqaşa toqtalyp öttı.
Jiyndy Qyzylorda oblysy äkımı apparatynyŋ basşysy Baimanov Şahmardan Asqarūly jürgızıp, öŋırdegı sport salasy jetıstıkterı men damu dinamikasyna qysqaşa toqtalyp öttı.
Sondai-aq, kezdesuge oblystyq mädeniet jäne sport basqarmasyna qarasty mekeme basşylary, jattyqtyruşylar jäne qoǧam belsendılerı men BAQ ökılderı qatysty.Särsen Abaiūly öz sözın "Qasiettı Qorqyt babanyŋ ruhymen tynystaǧan kielı öŋırde özderıŋızben kezdesıp otyrǧanyma quanyştymyn" dep bastady. Vise-ministr saparynyŋ basty mındetı elımızde jürıp jatqan reformalar turaly halyqty aqparattandyru, memlekettık organdardyŋ el tūrǧyndary aldyndaǧy jauapkerşılıgı men jūmysyn küşeitu ekendıgın aitty. Osy oraida ol ministrlık tarapynan atqarylyp jatqan jūmystarǧa toqtalyp öttı. Kezdesuden soŋ S.Qūranbek qoǧam belsendılerı men BAQ ökılderınıŋ sūraqtaryna jauap berıp, tūrǧyndarǧa jeke qabyldau ötkızdı. Endıgı kezekte vise-ministrdı "NAMAN ATA" sport keşenınıŋ qūryltaişysy Mūrat Abaiūly Särsenbaev keşen jūmysymen tanystyrdy. Keşende Särsen Abaiūly jattyǧu ötkızıp jatqan balalarmen sūhbattasyp, olarǧa bolaşaq el namysyn qorǧar chempion boluyn tıledı. Vise-ministrdıŋ soŋǧy nysany Jaŋaqorǧan audanynynyŋ jergılıktı sport keşenı boldy. Mūnda ol gandbol, basketbol jäne üstel tennisımen ainalysuşy jas sportşylarmen kezdestı. Sonan soŋ, audandyq ippodromdaǧy Kökparşylardyŋ jattyǧuyn tamaşalap, jetıstıkterı men aldaǧy josparlary jaiynda aqparat aldy. Särsen Abaiūly Kökpar sportyn damytu boiynşa audandyq sport salasy basşylarynyŋ bıldırgen ūsynystaryn qoldap, elımızde ūlttyq sportty damytu mäselesı qaşan da aldyŋǧy orynda tūruy qajet ekendıgın tılge tiek ettı. Sondai-aq ol ministrlık tarapynan ūlttyq sport türlerın damytu üşın barlyq jaǧdai jasalyp, ūsynystar qaşan da qabyldanatyndyǧyn jetkızdı.
