Qarjy ministrı Erūlan Jamaubaev dauly mäselede Nazarbaevtyŋ atyn atauǧa imenedı, dep habarlaidy “Adyrna” ūlttyq portaly.
Mäjılıs alaŋynda Orda.kz tılşısı Qarjy ministrı Erūlan Jamaubaevtan “Qazaqstan men Qytai arasyndaǧy kedendık statistikadaǧy säikessızdıkke qatysty tergeu jürıp jatyr ma, joq pa?Al kedendı tūŋǧyş prezident Nūrsūltan Nazarbaevtyŋ otbasy men jaqyn serıkterı basqarady degen qaueset şyndyqqa janasa ma?” dep sūrady.
«Barlyq anyqtalǧan faktıler qūqyq qorǧau organdaryna berıldı. Qazır tergeu amaldary jäne biudjettı sol tärtıp būzuşylar der kezınde tölemegen somalarmen tolyqtyru jürgızılude. Ötken jyly tärtıp būzuşylardan 50 milliard teŋgege juyq qarjy öndırıldı. Būzǧan bırneşe şaruaşylyq operatorlar boldy. Sız özıŋız soŋǧy benefisiarlardy atadyŋyz. Şyndyǧynda olardyŋ sany köp. 15-ten astam ekonomikalyq operatorlar boldy. Bıraq naqty qandai qylmystyq ıster qozǧaldy jäne naqty qandai somaǧa qūqyq qorǧau qūrylymdary jauap bere alady. Men tek biudjetke qanşa tüstı – şamamen 50 mlrd teŋgege jauap bere alamyn», - dedı Jamaubaev.
