Májilis spıkeri Erlan Qoshanov eks-prezıdent Nursultan Nazarbaevtyń bılik etken kezeńin synǵa aldy, dep habarlaıdy "Adyrna" ulttyq portaly QazTAG-qa silteme jasap.
«30 jyl boıy Qazaqstan sýperprezıdenttik basqarý formasyndaǵy el boldy. Alaıda ýaqyt óte kele bul uzaq jyldar boıy jumys istegen model elde kúrdeli saıası daǵdarysqa ákeldi. Bul bılik pen kapıtaldyń jekelegen toptar men bir adamnyń qolynda shamadan tys shoǵyrlanýymen baılanysty boldy, bul qoǵamnyń narazylyǵyn týdyryp, eldiń damýyn tejedi», – dedi Qoshanov sársenbi kúni májilis otyrysynda.
Osy sebepti, onyń aıtýynsha, úsh jyl buryn eldiń saıası júıesin jańǵyrtý proesin bastaý jáne bıliktiń bir ǵana qolda shoǵyrlanýynan arylý asa mańyzdy boldy.
«Álemdik tájirıbe kórsetkendeı, kóptegen elderde joǵarǵy bılikti basqa saıası ınstıtýttarǵa berý jáne ókilettikterdi qaıta bólý áli kúnge deıin ártúrli pikirtalastar men talqylaýlar týdyryp otyr. Al bizdiń elimizde prezıdent óz bastamasymen birqatar ókilettikterdi qaıta bólip, bir merzimdi jeti jyldyq prezıdenttik júıeni engizdi. Osylaısha, sýperprezıdenttik basqarý dáýirin aıaqtady. Basqasha aıtqanda, elde burynǵy saıası qurylym men basqarý qaǵıdattary tolyǵymen jańartyldy. Memlekettik bılik tarmaqtarynyń arasynda ońtaıly tepe-teńdik saqtalǵan jańa úlgi qalyptasty», – dedi Qoshanov.
Aıta keteıik, Nursultan Nazarbaev bılik qurǵan jyldary Erlan Qoshanov ártúrli joǵary laýazymdarda qyzmet etti. Ol 2003-2006 jyldary Kólik jáne kommýnıkaııa vıe-mınıstri, 2012-2017 jyldary premer-mınıstr keńsesi basshysy, 2017-2019 jyldary Qaraǵandy oblysynyń ákimi qyzmetterin atqarǵan.
