Mäjılıs spikerı Erlan Qoşanov eks-prezident Nūrsūltan Nazarbaevtyŋ bilık etken kezeŋın synǧa aldy, dep habarlaidy "Adyrna" ūlttyq portaly QazTAG-qa sılteme jasap.
«30 jyl boiy Qazaqstan superprezidenttık basqaru formasyndaǧy el boldy. Alaida uaqyt öte kele būl ūzaq jyldar boiy jūmys ıstegen model elde kürdelı saiasi daǧdarysqa äkeldı. Būl bilık pen kapitaldyŋ jekelegen toptar men bır adamnyŋ qolynda şamadan tys şoǧyrlanuymen bailanysty boldy, būl qoǧamnyŋ narazylyǧyn tudyryp, eldıŋ damuyn tejedı», – dedı Qoşanov särsenbı künı mäjılıs otyrysynda.
Osy sebeptı, onyŋ aituynşa, üş jyl būryn eldıŋ saiasi jüiesın jaŋǧyrtu prosesın bastau jäne bilıktıŋ bır ǧana qolda şoǧyrlanuynan arylu asa maŋyzdy boldy.
«Älemdık täjıribe körsetkendei, köptegen elderde joǧarǧy bilıktı basqa saiasi instituttarǧa beru jäne ökılettıkterdı qaita bölu älı künge deiın ärtürlı pıkırtalastar men talqylaular tudyryp otyr. Al bızdıŋ elımızde prezident öz bastamasymen bırqatar ökılettıkterdı qaita bölıp, bır merzımdı jetı jyldyq prezidenttık jüienı engızdı. Osylaişa, superprezidenttık basqaru däuırın aiaqtady. Basqaşa aitqanda, elde būrynǧy saiasi qūrylym men basqaru qaǧidattary tolyǧymen jaŋartyldy. Memlekettık bilık tarmaqtarynyŋ arasynda oŋtaily tepe-teŋdık saqtalǧan jaŋa ülgı qalyptasty», – dedı Qoşanov.
Aita keteiık, Nūrsūltan Nazarbaev bilık qūrǧan jyldary Erlan Qoşanov ärtürlı joǧary lauazymdarda qyzmet ettı. Ol 2003-2006 jyldary Kölık jäne kommunikasiia vise-ministrı, 2012-2017 jyldary premer-ministr keŋsesı basşysy, 2017-2019 jyldary Qaraǧandy oblysynyŋ äkımı qyzmetterın atqarǧan.
Ūqsas jaŋalyqtar
