Fransiia prezidentı Emmanuel Makron zeinetaqy reformasy turaly zaŋǧa qol qoidy. Qūjat aqparat arnalarynda jariialandy jäne öz küşıne enedı. Zaŋ boiynşa zeinetke şyǧu jasy "paiǧambar jasynan" asyp tüstı, iaǧni - 64 , dep habarlaidy "Adyrna" ūlttyq portaly France-Presse agenttıgıne sılteme körsete otyryp.
Aldymen Elisei saraiynda Memleket basşysynyŋ aldaǧy künderı zeinetaqy reformasy turaly Zaŋǧa qol qoiatyny habarlandy. Konstitusiialyq sot 14 säuır künı 2030 jylǧa deiın zeinetkerlık jasty 62 jastan 64 jasqa deiın köterudı maqūldady.
Makron qūjatqa 48 saǧat ışınde qol qoiuǧa tiıs edı. Fransiia köşbasşysy apyl- ǧūpyl zaŋdy maqūldap jıberdı.
Būǧan qarsylyq tanytqan Parij tūrǧandary öre türegelıp, belsendı äreketke köşken. Qazır qalany tütın torlap, azan-qazan bolyp jatyr. Ereuılşıler saǧattar boiy qalanyŋ barlyq köşelerın basyp aldy. Äleumettık jelıde taraǧan derekterge qarap, şerudıŋ jappai qozǧalysqa ūlasqanyn baiqauǧa bolady. Arnaiy jasaqtar adamdardy töpelep, ūryp-soǧyp jatyr.
Fransiia halqyn sarsaŋǧa salǧan reforma 1 qyrküiekten bastalady dep kütılıp otyr.
Naqtyraq aita keteiık, zeinetaqy jasyn bırtındep joǧarylatu turaly şeşımdı Fransiianyŋ konstitusiialyq keŋesı reformadan tys qabyldady. Olar elde zeinetaqy reformasyn ötkızuden bas tartyp, "özdıgınen" şeşım şyǧarǧan.
Nätijesınde, 15 säuırde, Fransiia prezidentı Emmanuel Makron zeinetaqy reformasy turaly zaŋǧa qol qoidy.
"Adyrna" ūlttyq portaly
Ūqsas jaŋalyqtar
