Memleket basşysy ŪQK Töraǧasy Ermek Saǧymbaevty qabyldady, dep habarlaidy “Adyrna” ūlttyq portaly.
Qasym-Jomart Toqaevqa ūlttyq qauıpsızdık organdarynda jürgızılıp jatqan jüielı transformasiialar men jūmystyŋ negızgı nätijelerı turaly baiandaldy.
Memleket basşysynyŋ tapsyrmalaryna säikes ŪQK qūrylymy oŋtailandyrylyp, bölımşelerdıŋ qyzmetterı men mındetterı naqtylandy. Jauyngerlık jäne jūmyldyru äzırlıgın qamtamasyz etu, sondai-aq daǧdarysqa qarsy basqaru jüiesıne jaŋa täsılder engızıldı.
Ermek Saǧymbaevtyŋ aituynşa, Qazaqstan Respublikasynyŋ Terrorizmge qarsy ortalyǧynyŋ jūmysy qaita qūrylyp, laŋkestık qauıp-qaterlerge qarsy ıs-qimyl salasyndaǧy üilestıruşı rölı küşeitıldı. Jyl basynan berı TQO memlekettık organdardyŋ küşterı men qūraldaryn tarta otyryp, 400-den astam oqu-jattyǧu ötkızgen.
Prezidentke berılgen mälımetterge säikes aldyn alu şaralarynyŋ arqasynda memleketke 900 milliard teŋge kölemınde zalal keltıruı mümkın oqiǧaǧa tosqauyl qoiyldy. 37 milliardtan astam qarjy biudjetke qaitaryldy. ŪQK materialdarynyŋ negızınde 791 qylmystyq ıs, sonyŋ ışınde 49-y jüielı sybailas jemqorlyq faktılerı boiynşa qozǧaldy.
Memlekettık şekarany qorǧaudy ūiymdastyru küşeitılıp, jaŋa tehnologiialar qarqyndy türde engızılıp keledı. Şekara arnauly küşterı qūryldy. Biyl qaru-jaraq pen oq-därılerdı tasymaldaudyŋ 203 zaŋsyz äreketınıŋ joly kesıldı. 9 myŋnan astam şekara tärtıbın būzǧandar ūstaldy. Somasy 3,5 milliard teŋgeden astam valiutanyŋ, qūny 10 milliard teŋge bolatyn tauarlardyŋ zaŋsyz tasymaldanuyna jol berılgen joq.
Eldıŋ aqparattyq qauıpsızdıgın qamtamasyz etu jüiesı jetıldırılıp jatyr. Jyl basynan berı ŪQK tehnikalyq qyzmetterı infraqūrylym obektılerıne jasalǧan 295 million kiberşabuyl men 2 myŋ DDoS şabuyldyŋ jolyn kestı.
Qūqyq qorǧau organdarymen bırlesıp, qaru ızdeu, qoǧamǧa qauıptı ūiymdasqan qylmystyq toptardyŋ jäne esırtkı kontrabandasy arnalarynyŋ jolyn kesu boiynşa ıs-şaralar jürgızılıp keledı.
900 kelıden astam esırtkı jäne 11 tonna prekursorlar alynyp, 16 esırtkı zerthanasy, 24 halyqaralyq jäne 45 öŋırlık esırtkı arnasy joiyldy. Zaŋsyz ainalymdaǧy 773 bırlık qaru men 20 myŋnan astam oq-därı tärkılendı.
Memleket basşysy ŪQK organdary qyzmetınıŋ baǧyttary boiynşa özektı syn-qaterler men qauıpterdı eskere otyryp, bırqatar naqty tapsyrma berdı.
Ūqsas jaŋalyqtar
