Memleket basshysy UQK Tóraǵasy Ermek Saǵymbaevty qabyldady, dep habarlaıdy “Adyrna” ulttyq portaly.
Qasym-Jomart Toqaevqa ulttyq qaýipsizdik organdarynda júrgizilip jatqan júıeli transformaııalar men jumystyń negizgi nátıjeleri týraly baıandaldy.
Memleket basshysynyń tapsyrmalaryna sáıkes UQK qurylymy ońtaılandyrylyp, bólimshelerdiń qyzmetteri men mindetteri naqtylandy. Jaýyngerlik jáne jumyldyrý ázirligin qamtamasyz etý, sondaı-aq daǵdarysqa qarsy basqarý júıesine jańa tásilder engizildi.
Ermek Saǵymbaevtyń aıtýynsha, Qazaqstan Respýblıkasynyń Terrorızmge qarsy ortalyǵynyń jumysy qaıta qurylyp, lańkestik qaýip-qaterlerge qarsy is-qımyl salasyndaǵy úılestirýshi róli kúsheıtildi. Jyl basynan beri TQO memlekettik organdardyń kúshteri men quraldaryn tarta otyryp, 400-den astam oqý-jattyǵý ótkizgen.
Prezıdentke berilgen málimetterge sáıkes aldyn alý sharalarynyń arqasynda memleketke 900 mıllıard teńge kóleminde zalal keltirýi múmkin oqıǵaǵa tosqaýyl qoıyldy. 37 mıllıardtan astam qarjy bıýdjetke qaıtaryldy. UQK materıaldarynyń negizinde 791 qylmystyq is, sonyń ishinde 49-y júıeli sybaılas jemqorlyq faktileri boıynsha qozǵaldy.
Memlekettik shekarany qorǵaýdy uıymdastyrý kúsheıtilip, jańa tehnologııalar qarqyndy túrde engizilip keledi. Shekara arnaýly kúshteri quryldy. Bıyl qarý-jaraq pen oq-dárilerdi tasymaldaýdyń 203 zańsyz áreketiniń joly kesildi. 9 myńnan astam shekara tártibin buzǵandar ustaldy. Somasy 3,5 mıllıard teńgeden astam valıýtanyń, quny 10 mıllıard teńge bolatyn taýarlardyń zańsyz tasymaldanýyna jol berilgen joq.
Eldiń aqparattyq qaýipsizdigin qamtamasyz etý júıesi jetildirilip jatyr. Jyl basynan beri UQK tehnıkalyq qyzmetteri ınfraqurylym obektilerine jasalǵan 295 mıllıon kıbershabýyl men 2 myń DDoS shabýyldyń jolyn kesti.
Quqyq qorǵaý organdarymen birlesip, qarý izdeý, qoǵamǵa qaýipti uıymdasqan qylmystyq toptardyń jáne esirtki kontrabandasy arnalarynyń jolyn kesý boıynsha is-sharalar júrgizilip keledi.
900 keliden astam esirtki jáne 11 tonna prekýrsorlar alynyp, 16 esirtki zerthanasy, 24 halyqaralyq jáne 45 óńirlik esirtki arnasy joıyldy. Zańsyz aınalymdaǵy 773 birlik qarý men 20 myńnan astam oq-dári tárkilendi.
Memleket basshysy UQK organdary qyzmetiniń baǵyttary boıynsha ózekti syn-qaterler men qaýipterdi eskere otyryp, birqatar naqty tapsyrma berdi.
