«MENIŃ PIRIM – SÚIINBAI» III RESPÝBLIKALYQ JAS AQYNDAR AITYSY

1930
Adyrna.kz Telegram

Aıtys óneri – urpaqtan-urpaqqa jalǵasyn taýyp kele jatqan, halqymyzdyń asyl murasy.  Aıtystyń asqaqtaýyna, óleńniń órbýine, tarıhymyzdyń tolyǵýyna talaı tamasha eńbekterin mura etken, aıtys  óneriniń altyn dińgegi – Súıinbaı Aronuly ekeni barshamyzǵa málim.

Ataqty Súıinbaı bir ǵana Jambyl emes, ózinen sońǵy aqyndardyń bárine  ustaz. Ǵasyrǵa jýyq tarıhy bar, "ustazdar ustahanasy" bolyp  tabylatyn Abaı atyndaǵy Qazaq ulttyq pedagogıkalyq ýnıversıteti ustazdyqty  ulyqtaý, ulttyq ónerimizdi keńinen nasıhattaý maqsatynda  2019 jyldyń 19-20 aqpan kúnderi dástúrli «Meniń pirim - Súıinbaı» respýblıkalyq  jas aqyndar aıtysyn  uıymdastyrdy.

Alaman doda Jastar jyly aıasynda ótip, elimizdiń 30 joǵary oqý ornynan 58 jas aqynnyń basyn qosty.

Aqyndar aıtysyn QR eńbek sińirgen qaıratkeri, ataqty aqyn – Júrsin Erman tóraǵalyq  etken qazylar alqasy baǵalady. Qazylar alqasynyń quramynda Qazaqstan Respýblıkasynyń mádenıet qaıratkeri,  halyqaralyq, respýblıkalyq aıtystardyń júldegeri,   aqyn Serik Qalıev, Qazaqstan  Jazýshylar odaǵynyń múshesi,  Qazaqstan Respýblıkasynyń mádenıet qaıratkeri  Manarbek Izbarasarov,  Respýblıkalyq jáne halyqaralyq aıtys dodalarynyń jeńimpazy, aıtysker aqyn Rınat Zaıytov,  Qazaq ulttyq óner ýnıversıtetiniń oqytýshysy,  QR mádenıet salasynyń úzdigi aıtysker aqyn Erkebulan Qaınazarovtar boldy.

Dúbirli dodadanyń irikteý kezeńinde 58 aqyn, ıaǵnı 29 jup baq synasyp, úzdik tanylǵan 20 úmitker aqtyq kezeńge joldama aldy.

Aqtyq kezeńniń aıtysy Elbasynyń «Uly Dalanyń jeti qyry» maqalasy aıasynda, ustaz mártebesi, bilim, ǵylym, áleýmettik salada jastardy tolǵandyratyn máseleler tóńireginde órbidi.

Aıtys qorytyndysy boıynsha III orynǵa teń upaı jınaǵan Abaı atyndaǵy Qazaq ulttyq pedagogıkalyq ýnıversıtetiniń stýdenti Jeńishan Qazybek pen Shákárim atyndaǵy Semeı memlekettik ýnıversıtetiniń stýdenti Tileýtaı Aısholpan ornalasyp, árbir aqyn 100 000 teńge kóleminde qarjylaı syıaqymen marapattaldy.

II júldeli oryndy Qazaq ulttyq óner ýnıversıtetiniń stýdenti Sovet Tórehan ıelenip, 150 000 teńge kóleminde qarjylaı syıaqymen marapattaldy.

S. Amanjolov atyndaǵy Shyǵys Qazaqstan memlekettik ýnıversıtetiniń stýdenti Maratbekova Juldyzaı I oryn ıegeri atanyp, 200 000 teńge kólemindegi marapatqa ıe boldy.

Alaman aıtystyń Bas júldesin «Qaınar» akademııasynyń stýdenti Apýajanov Jaqsylyq jeńip alyp, 350 000 teńgemen qarjylaı marapattaldy.

Sonymen qatar, aqtyq kezeńde úzdik óner kórsetken 6 aıtysker aqyn «Abaı Qunanbaev», «Jambyl Jabaev», «Sáken Seıfýllın», «Málik Ǵabdýllın», «Erik Asqarov», «Orazaly Dosbosynov» atyndaǵy arnaıy júldelerimen jáne 50 000 tenge kólemindegi qarjylaı syıaqymen marapataldy.

Ótkir sózimen, ushqyr oıymen erekshelengen 9 aqyn arnaıy nomınaııalarǵa ıe bolyp, 30 000 teńge kóleminde aqshalaı marapattaldy.

Alaman báıgede ozyp shapqan dúldúl aqyndar men aıtysty tamashalaýǵa kelgen barsha óner súıer qaýym uıymdastyrýshylarǵa dán rızashylyǵyn bildirdi.

Taǵy bir aıta ketetin jaıt,  Abaı ýnıversıtetinde respýblıkalyq aıtys aıasynda daryndy aıtysker aqyn «Orazaly Dosbosynov» atyndaǵy jas aqyndar ortalyǵy ashyldy.  Ýnıversıtet túlegi Orazaly Dosbosynovtyń qurmetine ashylǵan bul ortalyqta keleshekte oıy ushqyr, shabyty shalqar jas aqyndar legi tárbıelenip, qazaqtyń aıtys ónerin dáripteýge úlken úles qosatyndyǵy sózsiz.

 

Abaı atyndaǵy QazUPÝ-niń

Tárbıe jumysy jáne

áleýmettik damý jónindegi

prorektory, professor

Janatbek Ishpekbaev

Pikirler