IMECE atty alǵashqy túrik baqylaý spýtnıgi orbıtaǵa 11 sáýirde ushyrylady, dep habarlaıdy "Adyrna" ulttyq portaly Anadoly agenttigine silteme jasap.
Bul týraly 9 sáýir, jeksenbide Túrkııa prezıdenti Rejep Taıyp Erdoǵan óziniń Twitter akkaýntynda jazdy.
«Túrkııa bilikti kadrlar, múmkindikter men ózi jasaǵan tehnologııasyn jahandyq ǵarysh báıgesine qosýyn jalǵastyrady», - dep jazdy Memleket basshysy.
IMECE spýtnıgin Túrkııanyń ǵaryshtyq tehnologııalar ǵylymı-zertteý ınstıtýtynyń (TÜBITAK UZAY) ınjenerleri jasaǵan.
Seısenbi, 11 sáýirde spýtnıktiń ushyrylýyna baılanysty ınstıtýt aýmaǵynda saltanatty rásim ótedi, onda jınalǵandarǵa Túrkııa prezıdenti beıneúndeý joldaıdy.
Jıynǵa Túrkııanyń Ulttyq qorǵanys mınıstri Hýlýsı Akar men Túrkııanyń ónerkásip jáne tehnologııalar mınıstri Mustafa Varank qatysady.
Túrkııanyń sheteldik spýtnıktik tehnologııalarǵa táýeldiligin tómendetetin IMECE spýtnıgin Space X túrik ýaqytymen tańǵy 09.50-de ushyrady.
Dál sol zymyran túrik ǵarysh kompanııalary jasaǵan AKUP, KILIÇSAT jáne CONNECTA T2.1 spýtnıkterin ǵaryshqa alyp ushady.
IMECE spýtnıgi 21 aqpanda AQSh-tyń Vandenberg áýe bazasyna jetkizilgen. Kahramanmarash provınııasyndaǵy jer silkinisinen keıin elde qalyptasqan jaǵdaıǵa baılanysty tıisti rásim jasalǵan joq.
IMECE jerserigi 2017 jyly jasala bastady. Ol 680 shaqyrym bıikte jumys isteıdi.
Spýtnık planetanyń barlyq buryshynan sýretke túsire alady, tabıǵı apat týraly málimet beredi, kartografııada jáne aýyl sharýashylyǵynda keńinen qoldanylady.
Azamattyq maqsatta da, qaýipsizdikti qamtamasyz etý maqsatynda da paıdalanýǵa bolatyn spýtnıktiń eseptik qyzmet etý merzimi - bes jyl.
Qurylǵynyń salmaǵy - shamamen 700 kg, kólemi - 2x3, 1 metr.
Birinshi retten-aq uzyndyǵy 1000 km jáne eni 16,73 km aýmaqty sýretke túsire alady jáne sýretterdi sekýndyna 320 megabaıt jyldamdyqpen jerústi stanııasyna júkteýge shamasy jetedi.
