Türkıstan oblysynda 16 jastaǧy qyzy men 45 jastaǧy anasyn auyldasy aiuandyqpen öltırıp ketkenı aityldy. Keles audanynda jan türşıgerlık qaiǧyly oqiǧa oryn aldy, dep habarlaidy "Adyrna" ūlttyq portaly. Būl turaly jurnalist Gülmira Äbıqai jelıdegı jazbasynda jariialady.
30 jastaǧy küdıktı būǧan deiın auyl mektebınde sabaq bergen. Küdıktı özı öltırgen mektep oquşysyna seksualdyq zorlyq körsetkenı üşın jūmystan quylǧan bolatyn. Qaza bolǧandardyŋ tuystarynyŋ aituynşa, küdıktı qylmysker osylaişa jūmystan şyǧarylǧany üşın kek alǧysy kelgen.
Sol qaraly tünde 16 jastaǧy Nūriia äpkesınıŋ üiınen özı üiıne kelgen. Tuystarynyŋ aituynşa, qaskünem üige tüngı ekıde kırıp, aldymen 45 jastaǧy jesır äieldıŋ basynan kırpışpen ūryp, keiın 10-synyp oquşysyn zorlaǧan. Olardyŋ aituynşa, zorlyq-zombylyqqa ūşyraǧan qyzdyŋ şyŋǧyrǧan aiqaiyn körşılerı estıgen.
Marqūmnyŋ denesın juǧan tuystarynyŋ aituynşa, marqūmnyŋ denesınıŋ sau tamtyǧy qalmaǧan. Qyzdyŋ bır közı oiylyp, keudesı kögerıp, anasynyŋ miy janşylyp ketken, deidı. Qan-josa bolǧan üidı marqūmdardyŋ tuystary juyp şyqqanymen, jantürşıgerlık qylmystyŋ ızderı älı de qalǧanyn aitady.
Tuystary otbasy iesınıŋ osydan 15 jyl būryn öltırılgenın aitady. Jesır äiel Zaripa Narymbetova üş qyz tärbielep ösırıp, ekeuın qūtty ornyna qondyrǧan. Ol özı mektepte aspaz bolyp jūmys ıstegen. Anasy men qyzyn öltırdı dep Nūriia oqyǧan mekteptıŋ dene şynyqtyru pänınıŋ mūǧaılımı aiyptalyp otyrǧany aityldy.
Jaqyndary onyŋ bır jyl būryn 15 jastaǧy Nūriiaǧa mahabbat hattaryn jaza bastaǧanyn atap öttı. Mūny bılgen anasy onyŋ üstınen mektep direktoryna şaǧymdanǧan, sodan keiın küdıktı jūmystan bosatylǧan. Kınälı dep aiyp taǧylyp otyrǧan üş balanyŋ äkesı qazır qamauda otyr. Marqūmdardyŋ tuystary onyŋ būl jantürşıgerlık kısı öltıru äreketın jalǧyz özı jasaǧanyna kümändanyp otyr. Olardyŋ oiynşa, onyŋ qasynda sybailasy bolǧan.
12 qyrküiek künı anasy men qyzyn jerleu räsımı öttı. Kısı qolynan qaza tapqan marqūmdardyŋ tuystary jaqyndarynyŋ ölımıne küdıktılerdıŋ anyqtalyp, laiyqty jazasyn aluyn sūraidy.
Qazır būl faktı boiynşa sotqa deiıngı tergeu bastaldy.
«Polisiia Türkıstan oblysynyŋ tūrǧyny men onyŋ kämeletke tolmaǧan qyzyn öltıru deregı boiynşa qylmystyq ıs qozǧady. Küdıktı jedel ızdestıru şaralarymen ūstalyp, uaqytşa ūstau izoliatoryna qamaldy. Qazırgı uaqytta oqiǧanyŋ barlyq män-jaiyn anyqtau maqsatynda qajettı jedel-ızdestıru şaralary jürgızılude. Basqa mälımetter tergeu müddesı üşın jariia etılmeidı», - dep habarlady Türkıstan oblystyq polisiia departamentınıŋ baspasöz qyzmetı.
Polisiia azamattardy jalǧan aqparat taratpauǧa jäne tek resmi aqparat közderıne senuge şaqyrady.
Ūqsas jaŋalyqtar
