Áýe keńistiginde ushý qaýipsizdigin qamtamasyz etetin «Qazaeronavıgaııa» RMK qyzmetterine jumsalatyn shyǵyndar avıabılet qunynyń ósýine áser etedi. Bul týraly Sybaılas jemqorlyqqa qarsy strategııasynyń arnaıy monıtorıng tobynyń múshesi Andreı Andreev «Golos naroda» Youtube arnasyna bergen suqbatynda aıtty, dep habarlaıdy «Adyrna» tilshisi orda.kz-ke silteme jasap.
2015 jyly qazaqstandyq kompanııa men «Qazaeroservıs» AQ arasynda memlekettik satyp alý rásimderi arqyly 4 doplerlik meteorologııalyq radıolokatordy jetkizý boıynsha kelisimshart jasaldy. Ol jerde taýardy alý jáne iske qosý-baptaý, loktator ornatýǵa arnalǵan baǵana salý jumystaryn eseptegende árqaısysy 484 mln teńgege baǵalanǵan. Alaıda kóp uzamaı kásiporyn taratylady. Bir qyzyǵy, onyń ornyna qurylǵan «Qazaeronavıgaııa» respýblıkalyq memlekettik kásiporny bul qyzmetterdi 4 ese qymbat baǵaǵa satyp alǵan.
«Bastapqyda jabdyq 1,7 mıllıard teńgeden sál az baǵalanǵan bolsa, keıin baǵasy 4,8 mıllıard teńgege jetti. Másele onyń birinshi jetkizýshiden alynǵanynda bolyp tur. Iaǵnı, baǵa ósirilip satyldy. Bul áýe bıletiniń qunyna tikeleı áser etedi. Avıakompanııa áýejaılarǵa qashan ushýǵa bolady syndy aeronavıgaııalyq aqparatpen qamtamasyz etkeni úshin aqsha tóleıdi. Bul qarjyny aqtaý úshin áýejaı beriletin aqparat qunyn ósiredi»,—dedi Andreev.
Aıtýynsha, keıinnen «Qazaeroservıs» úshin satyp alynǵan lokatorlardy 2018 jyly «VS TRADE» JShS 4 qurylǵyny 423,7 mln teńgeden satyp alǵany anyqtaldy. Osy 4 doplerlik meteorologııalyq radıolokator «Qazaeronavıgaııa» RMK-ǵa árqaısysy 1,2 mlrd teńgeden satyldy, jalpy soma 4,8 mlrd teńgeni qurady. Aıyrmashylyq 3,1 mlrd teńge shamasynda bolyp otyr.
Osy oraıda «Nege sol radıolokatordy basqa kompanııa arqyly shamamen 4 ese qymbat baǵaǵa satyp alý kerek boldy?» degen suraq týyndaıtyny sózsiz. Suqbattyń tolyq nusqasyn kórý úshin siltemeni basyńyz.
