Shymkent qalasynyń VIII shaqyrylǵan máslıhatynyń birinshi sessııasy ótti. Jańa depýtattyq korpýsqa 32 depýtat saılanyp otyr. Onyń ishinde 16 depýtat bir mandatty okrýg arqyly saılanǵan bolsa, partııalyq tizim boıynsha «Amanat» partııasynan – 11 depýtat, «Aq jol» partııasynan – 3 depýtat jáne «Aýyl» partııasynan 2 depýtat saılandy.
Sessııada Shymkent qalalyq aýmaqtyq saılaý komıssııasynyń tóraǵasy Qaıyrbek Qunanbaev habarlama jasap, depýtattarǵa kýálikteri men tósbelgilerin tabystady. Jańadan saılanǵan depýtattardy qala ákimi Murat Áıtenov quttyqtap, jumystaryna sáttilik tiledi.
Kún tártibindegi birinshi másele boıynsha máslıhat tóraǵasy laýazymyna Bahadyr Narymbetov usynylyp, sheshim biraýyzdan qabyldandy. Osydan keıin Shymkent qalalyq máslıhatynyń turaqty komıssııalaryn qurý, olardyń quramyn bekitý jáne turaqty komıssııalardyń tóraǵalaryn saılaý týraly sheshimder qabyldandy.
Osylaısha, bıýdjet jáne ekonomıkalyq damý jónindegi turaqty komıssııasy tóraǵalyǵyna – Albına Elshıeva, áleýmettik-mádenı damý jónindegi turaqty komıssııa tóraǵalyǵyna Darııakúl Qojamjarova, qurylys jáne ınfraqurylymdy damytý jónindegi turaqty komıssııasy tóraǵalyǵyna Shyńǵys Qozbahov, kásipkerlikti damytý jáne ıfrlandyrý jónindegi turaqty komıssııasy tóraǵalyǵyna Aıjan Naımbekova, jergilikti ózin-ózi basqarý jáne qoǵamdyq qaýipsizdik jónindegi turaqty komıssııasy tóraǵalyǵyna Merlan Kerimjanov, ınvestıııa jáne qalalyq jaıly ortany damytý jónindegi turaqty komıssııasy tóraǵalyǵyna Noıan Tólegenov saılandy.
